Orléans, AD Loiret, H 93

<< < / > >>

Numéro2788

Fiabilité de l'actenon suspecté

Genrecharte

Date01/1105(fiabilité :texte)

Lieunon identifié

DiocèseOrléans

RégionCentre

Supportparchemin

Chirographienon

Sceau sceau plaqué perdu

Etat de la traditionoriginal

Hauteur à gauche520   mm

Hauteur à droite525   mm

Largeur en haut285   mm

Largeur en bas290   mm

AuteurJean II, évêque d'ORLEANS

BénéficiaireAbbaye  de  SAINT-MESMIN  de  MICY

Regeste

Jean II, évêque d'Orléans, concède à l'abbaye Saint-Mesmin, les églises de la Ferté-Hubert : l'église collégiale Saint-Gervais-Saint-Protais et l'église paroissiale Saint-Sulpice.

Texte

l.1 CUM ET VETERIS ET NOVI TESTAMEN-
l.2-ti primum et maximum preceptum karitas esse noscatur, et ab apostolo Paulo tantis laudum preconiis commendetur,
l.3 ut sine illa omnes reliquȩ virtutes quasi pro nichilo reputari videantur, omnibus christianȩ religionis cultoribus caritatis operi attentius in-
l.4-sistendum esse nemo dubitat, qui caritatis ipsum fontem Christum diligere non dubitatur. Nobis autem hoc precipue agendum esse
l.5 cognoscimus, qui aecclesiastici regiminis curam habere videmur, et ceteris exemplar et forma bene vivendi esse juxta modum nostrae
l.6 possibilitatis Deo opitulante debemus. Tantomagis enim apud Deum et apud homines inexcusabiles nos esse non possumus negare, si ca-
l.7-ritatem quam aliis predicamus, hanc ipsi operando neglexerimus commendare. Dum ergo hic brevi et incerto tempore manemus, secundum illud
l.8 apostolicum operemus bonum ad omnes, maxime autem ad domesticos fidei. Sed cum inter domesticos fidei illi qui Deo consecrati aecclesiae de-
l.9-serviunt excellentiorem gradum habere videantur, et Mariae pars Marthȩ parti preferenda non inmerito censeatur, excellentius
l.10 quoque opus caritatis judicamus, si fratribus aecclesiastica institutione Deo militantibus aliquid de nostris quȩ dicuntur bonis impendere
l.11 valeamus. Hac de causa anno M centesimo quinto, indictione XIIIa, nostri quoque presulatus anno VIII, ego Johannes secundus gratia
l.12 Dei Aurelianensium episcopus, notum esse volumus tam clericis quam laicis, tam presentibus quam futuris, quia adiit presentiam nostram Christianus
l.13 abbas Sancti Maximini cum quibusdam fratribus suis, adibitis etiam precibus totius suae congregationis, ut aecclesias eis de Firmitate Huberti Sanctorum
l.14 scilicet Gervasii et Prothasii canonicalem, et Sancti Sulpicii parrechialem, cum omnibus appendiciis earum, hoc est aecclesiasticis reditibus, ter-
l.15-ris etiam cultis et incultis, pratis, servis et ancillis, et quicquid usque modo ad domnum Sanctionem ejusdem castelli dominum et ad aecclesiȩ
l.16 predictae canonicos ex eisdem aecclesiis respicere videtur concederemus. Quorum justae peticioni assensum prebentes, volentibus
l.17 quoque atque rogantibus tam predicto Sancione quam prefatis canonicis easdem aecclesias cum denominatis rebus, id est quicquid modo habent,
l.18 sive quicquid ipsi monachi qui canonicorum locum supplent amodo adquirere poterunt, salvo jure aecclesias Aurelianensis be-
l.19-nigne concedimus, et quandam justam atque legalem adstipulationem fieri ex hac concessione quȩ perpȩtualiter firma et stabilis in nomine
l.20 sanctae et individuȩ Trinitatis permaneat decrevimus. Si quis autem successorum sive ministerialium nostrorum contra hoc auctoritatis nostrae privile-
l.21-gium aliquid calumpniae quod obnitente Deo minime fieri credimus inferre temptaverit, cum eodem omnipotente Deo et sancto Stephano ac beato
l.22 Maximino in judicio extremo contendere habeat, et sententia dampnationis accepta, in inferno inferiori cum diabolo et cum omnibus ini-
l.23-quis habeatur culpabilis. Ut ergo haec nostrae actoritatis scriptura firma et inviolabilis in perpetuum perseveret, eam manu propria fir-
l.24-mavimus, et archidiaconorum nostrorum et canonicorum assertione corroborandam optulimus.
l.25 DATUM MENSE JANUARII ANNO REGNI REGIS PHILILPPI XLV.
l.26 [croix] S. JOHANNIS AURELIANENSIS EPISCOPUS. [croix] [chrisme] GISLEBERTI ARCHIDIACONI.
l.27 [signum] BERENGERII ARCHIPRESBITERI. [chrisme] FULCHERIS CAPELLANI.
l.28 [chrisme] Hugonis decani.
l.29 [signum] ODONIS CANCELLARII.
l.30 [sceau].

Notes

Ancienne cote : Portef. n° 35.

Bibliographie

JAROSSAY (Eugène), Histoire de l'abbaye de Micy-Saint-Mesmin lez -Orléans, Orléan, 1902, p. 162-163.

Responsable

M. Courtois

Comment citer cette notice

Acte n°2788 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°2788»[En ligne] http://www.cn-telma.fr/originaux/charte2788/. Date de mise à jour : 17/07/17.