Hubert, disposant d'un fief de l'abbaye Saint-Victor par faveur du roi Robert, le concède aux moines de Saint-Mesmin [de Micy].

l.1 [chrisme] In Christi nomine, Ubertus qui beneficium ex rebus abbatiae Sancti Victoris per largitionem domni Rodberti regis habeo, notum esse volo cunctis fidelibus sanctae Dei ecclesiae curam geren-
l.2-tibus quia postulaverunt me quidam monachy Sancti Maximini nomine Leterius, Berendacus, Vualterius et Isaac ut eis terram arabilem cum curtiferis et casualibus, puteo, pratis,
l.3 pascuis, terra ad plantandum et si aqua super habundaverit cum areis duabus ad farinarios construendos censualiter concederem, quod ita et feci, quae est in pago Aurelianensi
l.4 in villa quȩ dicitur Caprarias, habentem plus minus dimidium mansum pro XXX bunuarios, et inter prata et pascua bunuarium I, terminatur ab uno latere ipsa terra, ab alio late-
l.5-re terra Sanctae Crucis, tercia parte terra Sancti Petri, quarta parte Sancti Martini et per medium viis pubicis. Infra has terminationes predictam rem eis ad censum concedo ea ratione
l.6 ut quicquid desuper ȩdificare voluerint edificent et omni anno kalendis marcias in censu solidos III et denarios VII exolvant. Et si de eodem censu in solvendo tardi aut neglegentes
l.7 extiterint, fidem inde faciunt et rem predictam non perdunt ampliumque eis non requiratur nisi quod superius est insertum. Do etiam eis licenciam dandi venundandi salvo jure ecclesiastico
l.8 sicut mos istius pagi est. Hȩc vero carta ut firmior sit eam subter firmavi et fidelium meorum manibus roborandum tradidi.
l.9 [croix] S. Huberti cujus beneficium est. [chrisme] S. Archenaldi.
l.10 Datum mense [julio anno VIIII] regnante Rotberto rege.

Ancienne cote : Portef. n° 34.