Charles le Chauve, roi des Francs, confirme la liberté d'élection abbatiale, la concession de la cella Saint-Josse et l'immunité accordées au monastère de Ferrières par ses prédécesseurs.

l.1 [chrisme] IN NOMINE SANCTAE ET INDIVIDUAE TRINITATIS, KAROLUS, GRATIA DEI REX OMNIBUS FIDELIBUS SANCTAE DEI ECELESIAE IN REGNO NOSTRO TAM PRAESENTIBUS QUAM FUTURIS. CUM PETITIONIBUS SERVORUM DEI ANNUIMUS
l.2 sanctisque locis vel nova dona concedimus vel vetera confirmamus, ut credimus, divinam nobis conciliamus clementiam providemusque salutis ac pacis nostrae stabilimento. Sciat itaque vestra diligentia quod adiit majestatem culminis nostri venerabilis abbas Lupus ex monasterio quod vocatur integre Bethleem, vulgo Ferrarias, et ostendit quod, praeter
l.3 alia privilegia quae prisci reges loco cui praeesset contulissent, beatae memoriae pater noster Hludovuicus, serenissimus ac piissimus imperator, indulserit ut monachi ex eodem coenobio, quandocumque suo migrante abbate, licentiam de se ipsis haberent alium eligendi, quamdiu talis in eis inveniri potuisset qui secundum regulam sancti Benedicti eundem locum
l.4 gubernare sufficeret, et ut, sublata gravi necessitate, monachi illic regulariter vivere possent et pro firmitate ejus imperii et incolumitate ipsius ac prolis ejus Dominum libentius exorarent, contulerit idem gloriosissimus imperator monasterio Ferrariensi cellam Sancti Judoci, sitam in pago Pontiu, super fluvium Quantiam, in loco qui dicitur Schaderias,
l.5 cum omnibus ad eam jure et legaliter pertinentibus, ut in dominatione et regimine rectorum coenobii Ferrariensis perpetuo consistens utilitatibus monachorum ita deserviret ut quicquid residuum esset hospitalitati quae peregrinis illic sollemniter exhibetur in usus fratrum assidue cederet. Harum utrarumque rerum praecepta domini
l.6 patris nostri prae manibus habens supplicavit memoratus abbas ut quod patris nostri confirmasset clementia, nostra innovaret mansuetudo. Praeterea flagitavit ut immunitatis edicta priscorum principum sem[perque] cum reverentia nominandi domini patris nostri, nostra auctoritate denuo firmaremus. Regiam igitur secuti consuetudinem et circa patris nostri actus nostrum declarantes affectum
l.7 praecipueque divinae retributionis intuitu, praefato abbati et congregationi ejus quod poscebat indulsimus, scilicet ut, post abbatis ipsius exessum, potestatem habeant alium, qui tamen idoneus sit, eligendi, et praedicta cella Sancti Judoci ad subsidium monachorum in regimine maneat Ferrariensis abbatis ut, sicut Ferrariensem cellam, ita etiam sancti Judoci juste ac rationabiliter disponere valeat et gubernare,
l.8 praecipientesque jubemus ut nullus judex publicus aut aliquis ex fidelibus sanctae Dei ecclesiae ac nostris in ecclesiis aut villis aut agris seu quibuslibet possessionibus praedictarum cellarum aliquam praesumat violentiam facere aut quaslibet injustas occasiones inferre aut aliquid quod ad lesionem ipsorum sanctorum locorum pertineat irrogare, sed quicquid ex eis fiscus noster sperare
l.9 potuerat, totum nostra largitione, quam pro nomine Domini et aeterna remuneratione fecimus, in usus proficiat pauperum et stipendia monachorum, ut servos Dei in praefatis coenobiis habitantes pro nobis et pro nostra posteritate ac stabilitate regni nobis a Deo commissi ipsum delectet intentius exorare. Atque ut haec auctoritas nostris futurisque temporibus, Deo
l.10 protegente, inconvulsa valeat permanere, manu propria illi subscripsimus et anuli nostri impressione eam jussimus roborari.
l.11 SIGNUM [monogramme] KAROLI GLORIOSISSIMI REGIS.
l.12 [chrisme] MEGINARIUS NOTARIUS AD VICEM HLUDOVUICI RECOGNOVI ET S[UBSCRIPSI] [ruche_notes_tironiennes] [Meginarius notarius ad vicem Ludovici recognovi et subscripsi. Ipse magister fieri et firmare jussit.] [sceau].
l.13 Data VI idus maias, anno primo Christo propitio regni domni Karoli gloriosissimi regis, indictione [IV]. A[ctum] Atiniaco palatio regio. I[n] D[ei nomine], feliciter. [Amen].

Ancienne cote : Portef. n° 28.

JAROSSAY (Eugène), Histoire de l'abbaye de Ferrières-en-Gâtinais, in Annales de la Société historique et archéologique du Gâtinais, t. 18 (1900), p. 18 et 193, p. 229, n° 2.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 1, p. 9-12, n° 3.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 3, pl. 1 (fac-similé).