Hugues, archevêque de Bourges, notifie qu'en échange de prières il a affranchi l'église de Maray des droits de synode et de gîte à la demande d'Arnoul, évêque d'Orléans, et du chapitre cathédral.

l.1 IN NOMINE SANCTAE ET INDIVIDUAE TRINITATIS, HUGO, BITURICENSIUM GRATIA DEI ARCHIEPISCOPUS. QUAECUMQUE LOCIS DIVINAE AULAE DICATIS VEL DELEGANDO ANNUIMUS AUT MINUS IDONEA SUPPLERE INNITIMUR,
l.2 hoc expetere nostrȩ humilitatis ministerium et presentis vite felicitatem indere et ad perpetuam beatitudinem satiliorem transitum constat prebere, ut sicut partes nostri corporis sibi mutuato solatio
l.3 in invicem competentia subpeditant, sic nostrȩ aecclesiae uno copulatȩ Christo sibi invicem obtata concedant. Itaque notum esse volumus cunctis fidelibus sanctae Dei aecclesiae tam presentibus quam futuris, precipue coepiscopis
l.4 nostris et omni cetui canonicorum sedis Sancti Stephani protomartiris Bituricensis aecclesiae, quibuscumque honoribus promotis, quia complacuit obtemperandum petitis domni Arnulfi, Aurelianorum episcopi, et universae
l.5 concionis sanctae et vivifice Crucis, remittere siquidem cuidam aecclesiae in nostro episcopatu sitae in fisco Sanctae Crucis qui dicitur Maciacus, pertinenti ad stipem fratrum, quicquit ab antecessoribus nostris et postaea a nobis
l.6 reddere cogebatur, videlicet synodum et quas vocamus paratas. Statuimus ergo eam ab hodierna die immunem et liberam nullum omnino reddat nobis vel archidiaconis nostris obsequium,
l.7 solis canonicis Sancte Crucis victuaria administrans nec ab episcopis vel aliis ordinibus qui post nos futuri sunt hujusmodi repetatur obsequium, sed sicut agenda a se stabilienda censuerint, sic a nobis
l.8 difinita non repetant, nisi illud quod matrem aecclesiam, cujus filia fore agnoscitur, secundum patrum traditionem visitare et frequentare certis temporibus studeat, et ejus pasci allocutione et doctrina
l.9 et crismate, nihilque ei de nostro cujus indiguerit ministerio denegetur. Ut ergo canonici Sanctae Crucis perpes sentiant nostri beneficium et nostrae sit fragilitatis adjumentum et firmum teneat atque inviolabilem haec cautio
l.10 tenorem, manu propria roborandum censuimus in presenti sinodo et coepiscoporum autentui et canonicorum nostrorum assertioni stipulandum obtulimus, ea tamen ratione ut quandiu spiritus nostros rexerit artus, psalmum XXXVI
l.11 videlicet Domine ne in furore tuo, pro stabilitate atque incolomitate nostra decantent, post decessum vero nostrum De Profundis volumus ab eis pro nostra requie decantari, ut a profundo mortis periculo mereamur, Christo opitulante, eorum orationibus intervenientibus eripi
l.12 Signum Aimonis archiepiscopi Bituricensis. [chrisme] RICHARDI BITURICENSIS ARCHYEPISCOPI.
l.13 [chrisme] HUGO BITURIGENSIUM ARCHIEPISCOPUS. [croix] Signum Adelberti. [signum] Signum Riciardi archyclavvi. [croix] . [croix] . [croix] Erardus archidiaconus. Gauzbertus archipresbiter [subscripsit].
l.14 Rodulfus archipresbiter [subscripsit]. Euvrardus archipresbiter [subscripsit]. Costantius archipresbiter [subscripsit]. Ragamtinnus archipresbiter [subscripsit]. Ingelbertus archipresbiter [subscripsit]. Bernardus archipresbiter [subscripsit]. Agarnus archipresbiter [subscripsit]. Girbertus archipresbiter [subscripsit].
l.15 [croix] GERBERTUS levita et decanus. [croix] Gerbaudhus. [chrisme] [croix] ARDINCUS LEVITA [subscripsit]. [signum] HUNBALDUS LEVITA. [signum] Hunbertus levita [subcripsit].
l.16 Hunbaldus subdiaconus [subscripsit]. Dado archidiaconus. Franco subdiaconus [subscripsit]. Archinaldus clericus [subscripsit]. GAOZPHRIDUS. Odo.
l.17 Ermenmarus archidiaconus. Rotgarius archidiaconus. Vunnenolio archidiaconus. Giraldus archidiaconus. Dacbertus archidiaconus. Stephanus archidiaconus. Girbertus archidiaconus.
l.18 Datum mense maio, indictione XIIII, anno XXIII regnante domno Lothario rege. Boso [subscripsit] ad vicem Rannulfi cancellarii.

Ancienne cote : Portef. n° 18.

THILLIER (Joseph) et JARRY (Eugène), Cartulaire de Sainte-Croix d'Orléans (814-1300), Orléans, 1906, p. 121-122, n° 62.

GANDILHON (Alfred), Catalogue des actes des archevêques de Bourges antérieurs à l'an 1200, Paris, 1927, p. 23.