L'abbaye de Jumièges donne à Hugues de Montfort la jouissance viagère d'une terre affermée à Adhémar, l'un de leurs vassaux, et située à Lilletot.

l.1 Bone memoriȩ Rotbertus, abbas Gemmeticensis cenobii, ceterique fratres ejusdem loci, conventionem cum Hugone de Muntfort fecerunt, scilicet de Licteltot terra sancti Petri quam tenebat
l.2 Adhaemarus quidam famulus ipsorum. Hunc denique Hademarum, cum eadem terra tradiderunt jam nominato Hugoni ad possidendum quamdiu ipse Hugo vixerit. Cum vero vitam
l.3 finierit, terra omnis quieta integraque ad locum sancti Petri, ad monachos revertetur. Ipse autem Adhemarus nulli alii ex illo beneficio nisi soli Hugoni servire debet, eo modo ut
l.4 isdem Hugo ab omni inquietudine vel calumpnia quietam eam ac liberam faciat, reliquaque bona sancti Petri quȩ sibi vicina sunt custodiat et defendat. Hademaro vero sive suo heredi nequaquam eam tollet
l.5 pro qualibet occasione, vel commisso aliquo, quod emendare de sua pecunia aut de sui corporis satisfactione possit. Et ad hȩc confirmanda factum est ambarum partium testimoniale scriptum, unam
l.6 eandemque rationem habens: unum in loco sancti Petri servatur, alterum supradictus Hugo secum retinet, tali modo ut si ipse illud perdiderit, perdet similiter et terram de qua loquimur. CIROGRAFUM TESTIMONII ISTIUS SCRIPTURAE.

Datation d'après l'écriture, par analogie avec les numéros 2687, 2694 et 2695 1