À la demande des chanoines séculiers de l'église Notre-Dame, le comte d'Eu Henri I^er, en présence et avec l'assentiment de l'archevêque de Rouen Geoffroi, les autorise à vivre en communauté et leur confirme leurs biens, en les énumérant.

l.1 [croix] In nomine sanctȩ et individuȩ Trinitatis, ego Henricus Augensis comes. Petitioni quorumdam Augensium canonicorum, prius sub mea manu seculariter viventium, nunc vero
l.2 secundum regulam beati Augustini, claustro et communi habitatione simul vivere desiderantium, assensum prȩbens, in presentia domni Goisfridi Rothomagensis archiepiscopi concedo
l.3 ut reditus prebendarum ipsorum qui prius secundum antiquam illius ecclesiȩ constitutionem, [divisum] singuli a singulis personis possidebantur, amodo quia communiter vivunt communes
l.4 imperpetuum habeantur. Quod si quis reliquorum canonicorum quibus nondum eadem [inspirata] est voluntas, aliquando ad eorum conversationem transire voluerit, reditus
l.5 quem prius per se possidere videbatur, supradicto modo fiat communis. Ceterorum vero qui vel in priori proposito usque ad mortem perseverare, vel in alio loco vitam quocumque ordine
l.6 mutare voluerint, post eorum mortem vel vitȩ mutationem reditus ad istorum victum et communitatem transeant. Omnes autem reditus prebendarum et ea quȩ ad thesaurum ecclesie
l.7 pertinent ita libere et quiete eis et eorum ȩcclesiȩ, libere ab omni consuetudine concedo, sicut [ab] antecessoribus meis vel ceteris fidelibus, vel a me ipso donati sunt et sicut ȩcclesia Augensis
l.8 liberius et quietius visa est possedisse. Et si quis baronum [meorum, vavassorum] vel bur[gensium] supradictȩ ȩcclesiȩ de agris suis, domibus vel reditibus donaverint, salvo meo jure et hominum
l.9 meorum nisi ipsi sponte permiserint concedo. Quod si [quis canonicorum secularium] de rebus ecclesie pertinentibus, [sine con]cessu meo aut antecessorum meorum et totius capituli, [quoquomodo]
l.10 a prebenda sub jure alterius tituli alienaverit, postquam prebende [ad communitatem] regularium pervenerint, omnis eorum donatio vel venditio in irritum revocetur. Liceat etiam
l.11 eis more aliorum claustralium quotquot fratres voluerint me non requisito, in eodem loco canonicȩ ad Dei servitium conjungere et suorum abbatum liberam electionem secundum Deum
l.12 canonice facere. Nec ulli abbatum liceat bonos usus ȩcclesiȩ qui secundum veram religionem in eadem instituti sunt, ullo modo infringere. Huic autem concessioni testes affuerunt: Willelmus de Rou-
l.13-mara, Ansellus de Freelvilla, Goscelinus de Criolio, et plures alii. Ego vero Goisfridus Rothomagensis archiepiscopus prescriptam institutionem regularium canonicorum Augensis ȩcclesie Dei et
l.14 nostrȩ metropolitane sedis auctoritate confirmo, et ne quis huic rei vel contradicere, vel aliquod impedimentum aliquando inferre presumat, sub anathemate prohibeo. Anno Domini MoCoXIXmo
l.15 Ludovico regnante in Gallia, Henrico rege Anglorum principante in Normannia, in capitulo sanctȩ Mariȩ Rothomagensis presentibus, Audino Ebroicensi episcopo, Rannulfo Dunelmensi episcopo, Willelmo
l.16 abbate sancti Audoeni, Rogero secretario, Ricardo archidiacono, Osmundo archidiacono et quibusdam aliis canonicis sanctȩ Mariȩ. Ego autem Henricus predictus comes Augi, presentibus omnibus predictis
l.17 testibus, ipsos canonicos et ȩcclesiam ipsorum et quȩ ad ipsam pertinent sub tuitione domni Goisfridi Rothomagensis archiepiscopi et successorum ejus dimitto. Quȩ autem sint illa quȩ antecessores mei ȩcclesiȩ
l.18 Augensi dederunt, et ego Henricus comes, ex parte mea donavi, ne aliqua in posteris controversia oriatur, aut de ipsis rebus aliquid fraudulenter surripiatur, apicibus infra scriptis presentibus
l.19 et futuris significare volui. Scilicet totam parrochiam Augi cum ecclesiis [et omni decima tam] de animalibus, quam de frugibus; terram de Monte de Furcis; et terram juxta Tilleium; et campum en valle de Culmont;
l.20 et IIIes curtillos juxta fossatum Sancti Johannis, terram Hasculfi decani cum hospitibus; mansionem Wandregisili, masuram Roberti Cantoris in opido, et alteram juxta Sanctum Petrum; masuram Osmundi cum hospi-
l.21-tibus de atrio sancti Johannis; masuram Goscelini in veteri opido; ortum Rogeri Danihel et IIos hospites ante domum Asselini; masuram Guiboldi, in veteri opido: duas cambas cum Osberto Turgis et aliis hospitibus:
l.22 tres masuras in castello, duas cambas Osmundi et Ilberti; sinalia de tota parrochia Augi usque ad crucem de Glandis; decimam molendinorum Augi dimidiam; solidos quinquaginta duos per omnes annos de foresta;
l.23 decimam porcorum, cervorum, capreorum de foresta et piscium aquȩ Augi; masuram juxta domum Bosonis; decimam de essartis Tilleii; masuram juxta domum Arnulfi sacerdotis; duos solidos Laurentius de censu Petri Fransini;
l.24 decimam de hospitibus Augi et de camba Petri Laaset et de Ponte, et de Maresc, et de Sancto Hilario, scilicet de censu Gaufridi de Balliolo, et de piscatoribus suis ultra portus; decimam de virgulto Ulberti sub castro;
l.25 mansuram ad Haruncurt ad ferendam aquam et mansiones proprias canonicorum liberas ab omni consuetudine, et teloneum propriarum rerum et familiȩ propriȩ et nemus quietum; decimam de Bosroculfi, de Culmont, de Brun-
l.26-villa, de Maisnil Osmont; ȩcclesiam de Stenelunda, atrium cum omnibus decimis de parrochia; ȩcclesiam de Floscis, atrium cum omnibus decimis de parrochia; ȩcclesiam de Criolo cum omnibus decimis de totis parrochiis scilicet de
l.27 Caisneto, de Maisnilval, de Sefrevilla, de Guttevillia, de Maisnil Goselini; atrium Sancti Albini cum terra que data est ȩcclesiȩ, et alia terra que diffusa est per campos; sedem navis cum aquaria; quatuor prata; ȩcclesiam de To-
l.28-chevilla cum cantuaria; ȩcclesiam de Sinevilla cum decima, ȩcclesiam de Caabla cum tercia parte decime de parrochia, scilicet de Bostroscbot de Bos, Galteri d'Alvier; ecclesias de Blangeio sancti Dionisii cum aliis; tertiam partem
l.29 decime de parrochia de Fontanis, de Boistelmaisnil, de Capeni, et de quodam feodo Ansceri [totam]; et de Buscom et de dominio comitis et de terra Abraham totam; et terram Sancti [Dionisii], et IIIIor curtillos juxta sanctum Dionisium; [curtillum]
l.30 de Fontanis, campum Sanctȩ Mariȩ, pratum, IIIIor mansuras; de integro brasario dimidium hamecel; de lana, de [agnis], anseribus decimam; ecclesias de Fulcarmont cum omni decima [de] dominio comitis, et de quibusdam feodis, et de [omni par-
l.31-rochia tertiam galbam, et de agnis; terram quȩ pertinet ad ȩcclesiam juxta ȩcclesiam Sanctȩ Mariȩ, hospitem I et ex alia [parte] alterum de feodo Balol, dimidium modium, frumenti, et dimidium grosȩ annonȩ ad molendinum; ecclesiam de [Fanen-
l.32-curt cum tertia galba; ȩcclesiam de Pelcervin similiter cum tercia, sedem grantiȩ; ȩcclesiam de Osbermaisnil cum omni decima de parrochia frugum, animalium, de Airables, de Gornai, de Esartis; in platea villȩ ante ȩcclesiam IIIes [mansiones]
l.33 Walteri sacerdotis, Rainerii Sutoris, Guillermi Parmentarii, et teloneum eorum infra terram, atrium et campum ab ȩcclesia usque ad Tilium; terram Manz cum bordario; decimas virgulti et caseorum de dominio domini; apud Augum curtillum Bernardi [Fullo-
l.34-nis]; alterum, ante domum Goisfridi Rufi de Criolio; apud sanctum Remigium IIas partes decimȩ, et IIas de feodo Giermundi, excepto dominio Wilelmi et feodo Henredi; omnium agnorum qui in terra sanctȩ Mariȩ nutriti erunt, duȩ partes ȩcclesiȩ
l.35 Augi erunt; ad Acummaisnil IIIIor hospites et omnem decimam eorum, et campartum; ad Bosc Ricardi IIos hospites et decimam eorum, et campartum. Hii sex hospites V solidos reddunt ad festum sancti Remigii et nemus de Catebos, duȩ partes
l.36 decime de feodo Algrini de Puteo; viginti solidos de feodo Albani de Rengunval; decimam molendinorum Ingeranni de Scotiniis, de domino Balceni summam pisorum vel frumenti et multos colibertos in terra Pontivi. Hȩc sunt quȩ
l.37 antecessores mei et alii fideles ȩcclesia Augi concesserunt, et ego Henricus comes, sub cujus tempore et cujus concessione canonici prius seculares regulares mutati sunt; hȩc subscripta dedi vel alio donante. (devise illisible)