Charte de dotation du prieuré de Saint-Martin-du-Bosc relevé de ses ruines par les moines Pierre et Deodatus venus de Fécamp, souscrite par Guillaume, duc de Normandie.

l.1 Tempore Guillelmi Normanniȩ potentissimi marchionis, Rotberti venerabilissimi filii, quidam cenobitȩ Petrus et Deodatus qui, dum seculari habitu poti-
l.2-rentur intra ejus curiam fuerant obversati, de Fiscanni cenobio abbatis sui permissione Johannis nomine egressi, saltum Bonevillensem devenerunt, anachoretȩ futuri, in quo in honorem
l.3 beati Martini antiquitus situm, semirutum invenientes templum, ipsum sibi licere restituere expetierunt. Quod eodem comite assentiente, atque ex proprio plurimum impartiente,
l.4 auxiliante quoque domno Hugone reverentissimo tunc temporis Luxuviensi pontifice, necnon primoribus quam pluribus, quos dinumerare longum duxi, pro posse construxerunt. Ea vero constructa,
l.5 rursus ad consulem redierunt, atque ipsi ut eam dedicari faceret suggesserunt. Dux ergo, accito prefato pontifice, atque Durando Troarcensi abbate, cum conjuge, dedicationi interfuit
l.6 honorifice, sponsȩque Deo ibi consecratȩ hȩc stabilivit in dote: tellurem quandam quam filii Rogerii Rotbertus atque Croch, intra Tolcȩ territorium a presule Luxoviensi tenebant, ab eis,
l.7 presulis ejusdem favore, novem librarum precio emeruit, emptam quoque Sancto Martino ȩternali conditione ȩdificandam episcopi ipsius auctoritate obtulit. Saltus vero in finitate, antea deserta erat.
l.8 Genscelinus denique qui tunc fundum vici Dalguet tenebat, ecclesiam Sancti Justi cum omnibus appendiciis, fratribus ejus annuentibus ante comitis presentiam Sancto Martino in ȩlemosinam pacto
l.9 inviolabili tribuit. Comes inde benignus vici ipsius servitium, sicut suum erat, et sicut habebat, Sancto Martino habendum et possidendum, in redemptionem animȩ suȩ eternaliter donavit;
l.10 quendam etiam molendinum in supradicto saltu situm tribuit. Guillelmus de Columbers, filius Goisfridi, vendidit Sanctȩ Trinitati et Sancto Martino, et Petro monacho totam decimam de terra Goisfridi,
l.11 filii Rainfridi in Langrone et decimam de terra Gonoera et de filiis suis, et de terra Alberadis cum suo filio perpetualiter sine fine; et pro hoc dedit ei Petrus et Deodatus decem libras, et decem solidos,
l.12 et unum equum centum solidos appreciatum, et orationes loci, et uxori tres solidos pro concessione. Testibus Genscelino, Tangredo, Richardo, Rogerio filio Harderet. Rogerius Malreguart vendidit
l.13 [Sanctȩ Trinitati et Sancto Martino Petro] monacho [tria] jugera terre et dimidium agrum in Langrone, [concedente] Goisfrido filio Rainfridi domino suo; et pro hoc [dedit] ei Petrus et uxori ejus tres libras, et
l.14 [IIII] solidos. Serlo, filius Turstini, vendidit Sanctȩ Trinitati, Sanctoque Martino III agros in Langrone de terra, pro quo dedit ei Petrus et Deodatus XXX [solidos]; testibus Tanchredo et Rogerio, [filio]
l.15 [Hardere]. Quidam vero Guillelmus de Corcella dimidiam partem piscationis in aqua Tolce et integrum agrum unum de prato suo obtulit et septem sextarios annonȩ ob redemptionem
l.16 [animȩ suȩ]: teste Genscelino, Malgerio et Herberto, filio Odberti. Uxor vero Berengerii, pro anima viri sui, annuente domino suo Herluino, in presentia comitis obtulit Sancto Martino
l.17 [et tribuit] unum agrum prati, et ideo dedit ei Petrus et Deodatus novem solidos. Testibus: Genscelino et Ansfredo Polein, aliisque multis [croix]. Gausfredus de Lamara vendidit Sanctȩ Trinitati
l.18 [et] Sancto Martino duas partes decimȩ de Butvillae terra et medietatem omnium quȩcumque offeruntur altari, cum medietate decimarum et sepulturarum, et unum integrum colonum
l.19 [de] terra quȩ fuit Vuatscelino, et alium dimidium ospidem de illa terra quȩ fuit Peregrino cuidam; et ex alia parte novem jugera terrȩ, et decimam piscium de Lamara,
l.20 [et] Odonem sacerdotem cum monasterio et totam terram quam tenebat; et pro hoc dederunt Petrus et Deodatus supradicto Goisfrido precium centum solidorum, annuente uxore et filiis ejus
l.21 [et] concessu Rogerii de Belmunt domini sui, et uxoris ejus et filiorum: testibus Richardo de Sancto Medardo, Genscelino, Haralt, Radulfo [S..]tumi et filio suo Rogerio; qua de
l.22 [re] dederunt Petrus et Deodatus predicto Goisfrido inter omnia viginti sex libras et decem solidos et Rogerio Belmuntensi uxorique Adelinȩ unam unciam auri et XX solidos.
l.23 Richardus vero, filius Garini, dedit Sanctȩ Trinitati et Sancto Martino omnem decimam quam tenebat in Butvilla et unum agrum terrȩ; et pro hoc dederunt ei Petrus et Deodatus XXX solidos
l.24 et Goisfrido, domino ejus, dederunt sex solidos pro concessu. Teste: Genscelino et Richardo de Sancto Medardo et Goisfrido Broc filio Aszoris. Hȩc omnia concessit Goisfridus Sanctȩ Trini-
l.25-tati Sanctoque Martino atque Petro et Deodato et propter istam pecuniam, et salutem animȩ suȩ. Quando Genscelinus dedit fundum de Dalbuet Sancto Martino, habebat pro sua
l.26 paupertate quorundam hominum servitium invadiatum, usque ad summam pecuniȩ centum et decem solidorum. Quapropter dederunt monachi Radulfo Benevent quindecim solidos
l.27 et suo filio Radulfo octo solidos et Richardo dispensatori centum solidos, quibus servitium erat invadiatum, et ita disvadiaverunt, et Sancti Martini possessionem perpetuam.
l.28 [Herfredus] frater Genscelini dedit partem terrȩ quam habebat in eadem villa Sancto Martino jure hereditario, post mortem suam, si heredem non haberet.
l.29 [Serlo de Lamara] concessit Sanctȩ et Individuȩ Trinitati, Sanctoque Martino decimas de tota terra sua quam tenet in Butvilla [pro] salute animȩ, et patris atque [matris]
l.30 [sue, uxoris suȩ] et filiorum, et unum agrum terrȩ in eadem villa, et hoc jure [perpetuo].
l.31 Signum Vuillelmi comitis Normannorum [croix]. Signum Mathildis comitissȩ [croix]. Signum Rotberti filii sui [croix].
l.32 Signum Richardi de Abrincas filii [sui] [croix]. Testes: Rogerius [....] de Montegomerico, et Rogerius de Belmunte, et Ricardus vicedominus
l.33 et Herluinus vicecomes de Conta Villa.