Donation à l'abbaye de Saint-Ouen par Roger de Clères de ses terres de Blainville, Crevon, Saint-Arnoult et Saint-Aignan, avec les églises et les dîmes. Guillaume le Bâtard souscrit cette charte.

l.1 [croix] Notum esse volumus sanctȩ fidelibus ȩcclesiȩ prȩsentibus et futuris, quod ego Rogerus de Clera totam
l.2 terram meam de Bleduinvilla cum appendiciis suis, et terram de Cheivrom, et de Sancto Arnulfo,
l.3 et de Sancto Aniano, et totas ȩcclesias, et decimas earundem villarum, pro anima mea, et pro animabus
l.4 prȩdecessorum meorum, dedi ȩcclesiȩ Sancti Petri Sanctique Audoeni et monachis, concedente domino meo
l.5 Willelmo Nortmannorum duce, nec retinui ex ipsa terra prȩter les reilies de vavassoribus, et
l.6 unum custodem per annum; qui etiam pro amore cȩlestis vitȩ me ipsum donavi eidem ȩcclesiȩ,
l.7 et ipse idem dominus meus, Willelmus dux, pro anima sua et pro animabus prȩdecessorum suorum
l.8 totas consuetudines suas earundem villarum quietas Deo et supradictȩ ȩclesiȩ concessit.
l.9 Quod beneficium concessit Radulfus de Toieno, dominus meus.
l.10 Hujus rei testes fuerunt, Rotbertus de Toieno, et fratres mei, Osbernus de Callei, et Rogerus pincerna de
l.11 Vuatnevilla, Berengerius Spina, Malgerius de Venablis, Rotbertus dapifer, Gilbertus de
l.12 Gruini, Gilbertus Folenfant d'Aursmesnil, homines etiam ipsius honoris, et li aloer testes
l.13 fuerunt, Rotbertus presbiter de Bleduinvilla, Algerius de Hunoltmaisnil, Radulfus Folenfant
l.14 Willelmus Agolant, Rotbertus frater ejus, Radulfus filius Gotmundi, Gilbertus frater ejus,
l.15 Asszo de Salemunvilla, Radulfus filius Autuuardi, Restolfus presbiter de Sancto Arnulfo.
l.16 Gunfredus de Spineto, Theodericus de Smaretis, Osbernus miles, Rogerus de Catpendud, Hugo de
l.17 Groci. Qui hoc contradixerit, videat ne ȩternȩ subjaceat maledictioni, sicut Datan et Abiron,
l.18 quos terra absorbuit.
l.19 [croix] Signum Willelmi ducis Normannorum. [croix] Signum Rotberti comitis de Ou.
l.20 [croix] Signum Willelmi dapiferi filii Osberni. [croix] Signum Radulfi de Toieno.
l.21 [croix] Signum Rogerii de Clera. [croix] Signum Giraldi dapiferi.
l.22 [croix] Signum Radulfi camerarii. [croix] Signum Osberni de Callei.
l.23 [croix] Signum Berengerii Spinȩ.