Donation à l'abbaye de Saint-Ouen par Osbern le Sénéchal de la terre d'un certain Renaud et de ses fils, dont les moines tireront une redevance de 20 sous par an pour célébrer l'anniversaire de son décès.

l.1 Notum sit omnibus viventibus per succedentia tempora fidelibus, quod ego Osbernus, pro remedio
l.2 animȩ meȩ sancto PETRO sanctoque Audoeno, terram Rainoldi filiorumque ejus. Goscelini scilicet
l.3 et Odini atque Ansfredi, dederim ut eam imperpetuum monachi possideant, taliter
l.4 quatinus ex eadem viginti solidos denariorum per singulos annos, in die quippe mei
l.5 decessus anniversarii, sibi in caritate sumant, et anniversarium agant, quod factum
l.6 mea conjunx, Emma, siquidem, et filii mei Osbernus et Willelmus, faverunt, atque
l.7 hanc cartulam fieri jussimus, et roboratam, propriis manibus ut inconvulsa
l.8 permaneat volumus. Si quis vero sanctis hujus coenobii hanc donationem subtraxerit,
l.9 totius maledictionis vinculo adstrictus imperpetuum teneatur, nec sit qui sui
l.10 misereatur, sed in fine suȩ vitȩ, in laqueum desperationis incidat, sicque perdicionem
l.11 capiat, et preda diabolorum factus, in infernum cruciandus inrecuperabiliter
l.12 descendat, et ab omni subventione sanctȩ aecclesiae quae animabus fidelium
l.13 exibetur, alienus fiat. Signum Willelmi filii Osberni. [croix]
l.14 Signum Willelmi comitis. [croix]
l.15 Signum Mathildis comitisse [croix].
l.16 [croix] Signum Torstini filio Lamberti. [croix] Signum Ansfridi filio Osberni. [croix] Signum Rotberti Crespin.