Concession du libre travers de Beaumont accordée aux moines de l'abbaye de Fécamp, du temps de l'abbé Jean d'Alie, par Yves II comte du château de Beaumont.

l.1 IN NOMINE SANCTAE ET INDIVIDUȩ TRINITATIS,
l.2 ego Ivo, gratia Dei Belmontensis castri comes, omnibus Christo ubique famulantibus salutem et pacem.
l.3 Notum fieri volo tam presentibus quam futuris donum quod divina inspirante clementia
l.4 contuli ipsi Deo vivo et vero trino et uno de thelonei debito, quod aut vix aut nullo modo
l.5 caret criminis nevo apud Belmontense castrum ex integro pro animae meae et parentum et filiorum meorum
l.6 remedio, considerans illud evangilii preceptum quod clamat: Facite vobis amicos de mammona iniquitatis,
l.7 ut cum defeceritis recipiant vos in aeterna tabernacula, et illud quod alias scriptum est : Date elemo-
l.8-sinam, et ecce omnia munda sunt vobis. Hoc vero donum Fiscannensi feci monasterio in manu Johannis abbatis
l.9 juxta mare sito constructoque in honore sanctae et individuȩ TRINITATIS, tali scilicet tenore ut amodo
l.10 et usque in sempiternum nec ipse ego nec ullus meus successor quippiam a monachis predicti monasterii
l.11 accipere presumat, vel extorquere audeat, sive in eundo sive in redeundo, nisi tantum orationum munia,
l.12 et sanctae sotietatis contubernia, quae sunt pretiosiora et sine fine prȩmia mansura. Si quis autem contra
l.13 hanc nostre donationis cartulam temerario ausu quod fieri non credo garrire prȩsumpserit, iram Dei primitus incurrat,
l.14 et societatem Judae traditoris habeat, et Dathan et Abiron quos terra vivos absorbuit habitationem capiat,
l.15 nisi publice dignam satisfactionem fecerit, et ut haec nostra donatio firma et inconvulsa perpetuo maneat,
l.16 ego ipse manu propria signum crucis faciendo confirmare studui, et filiis meis et fidelibus confirmandam
l.17 tradidi. Actum Belmontensi castro publice.
l.18 [croix] Signum Ivonis comitis [subscripsi]. Signum Josfredi filii ejus [subscripsi]. Signum Ivonis clerici sui fratris ejus filii. Signum Alberici ejus filii.