Confirmation à l'abbaye de Saint-Wandrille par Baudouin surnommé Filleul de la donation de son alleu de Glicourt faite jadis en présence de feu l'abbé Gradulphus.

l.1 IN NOMINE PATRIS ET FILII, ET SPIRITUS SANCTI. Cum constet omnipotentem Deum hominem ad imaginem suam mirabiliter condidisse, et lapsum unici sui precioso
l.2 sanguine redemisse, cujus dignitatis sit humana natura liquet aperte, cui ad gratiam promovendȩ privilegium suȩ similitudinis
l.3 dignanter indulsit, et reparandȩ ad veniam singulare passionis suȩ remedium procuravit, quamque super omnem creaturam mundi
l.4 dignitate conditionis propter semetipsum potenter extulit, et super omnem cȩlestium virtutum gloriam per se ipsum colloquando
l.5 singulariter mirificavit ac per nostrȩ carnis participium, ad suȩ divinitatis provexit nos consortium, eo igitur erigenda mentis intentio, eo
l.6 tota cordis transferenda est meditatio, despicienda sunt queque transitoria et caduca, abicienda terrena et vilia. Quicquid vero est nostri juris Deo
l.7 devote dicandum, quicquid precii et honoris libenter est offerendum, ut eo perveniatur quo precessit Christus caput nostrum. Quod ego Balduinus cognomento Filiolus,
l.8 diligenter perpendens, gratia divina prȩventus, cum omni re quam in hac Northmannorum terra possideo, alodum Gliscortis dictum quod a patribus et
l.9 proavis solidum et quietum hactenus possedisse videor, Deo omnipotenti, a quo meliora spero ac sanctis ejus qui in Fontinellȩ patrocinantur cȩnobio quorum
l.10 meritis juvari me fideliter credo, jamdudum in presentia dulcis memoriȩ Gradulfi abbatis, per manus Vuillelmi, Northmannorum marchionis, et
l.11 Vuillelmi patrui ejus videlicet Archis tunc temporis comitis, cujus in territorio et comitatu idem alodum habetur, a me devotissime traditum, per hanc
l.12 charte hujus conscriptionem confirmo et auctoritate supradictorum principum et multorum testimonio nobilium qui subscribentur eandem donationem
l.13 corroboro, ut perpetualiter in fratrum usibus ejusdem sancti loci permaneat et proficiat, et sub interminatione divini judicii atque imprecatione dampnationis
l.14 aeternȩ prohibeo ut nulli mortalium per succedentia tempora neque in beneficio neque pro pretio tribuatur omnino. Facta est autem hȩc astipulatio dominicȩ
l.15 Incarnationis millesimo LI anno, gubernante predictum locum domno abbate Rotberto, quarto videlicet sui honoris anno. Signum [croix] Balduini.
l.16 Signum Vuillelmi [croix] principis. S. item Vuillelmi [croix] comitis. S. Malgerii [croix] archipresulis.
l.17 Signum Matillis [croix] comitissȩ. [croix] S. Roberti juvenis comitis. S. Willleelmi [croix] episcopi. [croix] C C [croix] Odonis Baiocacensis episcopi. [croix] Roberti comitis [de Montini]. [croix] Rogerii de Mungena. [croix] Willeelmi filii Osberni. [croix] Hugonis Luxoviensis episcopi. Signum Barnard [croix] de Hamellis.

LOT (F.), Etudes critiques sur l'abbaye de Saint-Wandrille, Paris, 1913 (Bibliothèque de l'Ecole des Hautes Etudes, 204), p. 74-76, n° 30.

FAUROUX (Marie), Recueil des actes des ducs de Normandie de 911 à 1066, Mémoires de la Société des Antiquaires de Normandie, t. 36(1961), p. 293-295, n° 124.