Restitution à l'abbaye de Fécamp par Guillaume d'Arques, comte de Talou, des terres du vicomte d'Arques Renauld, données par son père le duc Richard II avec le consentement de celui-ci, puis inféodées à Goscelin Fils Heddon, successeur de Renauld, qui en avait injustement disposé.

l.1 IN NOMINE PATRIS ET FILII [ET SPIRITUS SANCTI].
l.2 EGO WILLELMUS gratia Dei comes, Richardi secundi [Northmannorum] ducis filius, inspiratione divina tactus, reminiscens propriorum actuum
l.3 admissa quȩ in adolescentia nimie perpetraveram, pariterque [pietatem] Dei expectantis me ad poenitentiam, ex intimo corde ei grates
l.4 innumeras juxta mei possibilitatem refero, qui mihi dedit velle [et posse] devertendi a malo ad bonum. Et ideo desidero ut omni populo
l.5 christiano innotescat ejus bonitas erga meam juventutem [declarata quae] non solum a lubricis actibus separavit, verum etiam ab inimicis
l.6 contra me inique insurgentibus mirabiliter protexit. Undique [enim] mihi laqueos tetenderant, sed ipsis in eosdem corruentibus, ego liber
l.7 ab eorum insidiis Deo protegente inventus sum. Non autem illis [gratiae], sed salutis referantur auctori. Quapropter volens recompensare
l.8 vicem beneficiis Dei, decrevi sanctam ejus aecclesiam honorare, [servientes] ei sustentare, et si necessitas evenerit pro ejus amore usque ad mortem
l.9 certare. Inter cȩteras vero aecclesias, precipue statui locum [Fiscannensem] in honore sanctae et individuae TRINITATIS consecratum mire
l.10 attollere, et de bonis mihi a Deo concessis remunerare, et si qua [ab eo] injuste ablata sunt quolibet modo per neglegentiam quarumcumque
l.11 personarum ex integro restituere. Notum sit igitur tam presentibus quam futuris, quod pater meus Richardus comes dedit omnem terram Rainaldi vice-
l.12-comitis monasterio Fiscannensi, ipso adhuc vivente, quam Rotbertus comes frater meus post ejus mortem contulit ex toto, cum militibus, hospitibus,
l.13 pratis, piscariis, molendinis, salinis, silvis, omnive substantia. Postea vero abbas loci ipsius nomine Johannes largitus est ipsam terram Gozelino
l.14 Heddonis filio loco beneficii, ut quoad viveret, teneret, possideret, pecudibus, porcariis, carrucis instrueret, et in sua dominicatura retineret,
l.15 nulli alio homini quicquam de ipsa terra tribuens. Retinuit quoque predictus abbas de ipso alodo pro investitura villam quae dicitur Santiniacus,
l.16 quam postea commutuavit cuidam matronae nomine Emmȩ pro alia terra quam ipsa tenebat in Dunovilla, eo quod sibi vicinior haberetur.
l.17 Porro jamdictus Gozelinus parvipendens convenientiam cum abbate et fratribus habitam, beneficium acceptum non solum non auxit, sed etiam ad nihilum
l.18 redegit, atque suis hominibus contra statutam pactionem distribuit. Insuper namque ipsam partem quam sepefatus abbas sibi retinuerat, absque ulla
l.19 justitia Deique timore de mea solummodo juvenili potestate confisus abstulit, et suo genero Godefredo vicecomiti contradidit. Haec ratio
l.20 pene omnibus nota est. Enim vero Deo precipiente, finem vitȩ sortitus est, recipiens justam retributionem factorum suorum. Accidit post hȩc
l.21 ut interpellarer a domno abbate Johanne ceterisque fratribus ipsius monasterii, quatinus memoratam hereditatem absque ulla cunctatione
l.22 in dominatione monachorum redire facerem. Quam interpellationem considerans justam esse et veram querimoniam, necnon injustitiam
l.23 quam impie fuerant perpessi, adquievi voluntati ipsorum, et veniens in conventu eorum cum quibusdam fidelibus meis, deliberavi sanctȩ et individuȩ
l.24 TRINITATIS reddere sepedictum alodum, ad usus servorum ejus inibi communiter viventium. Hanc igitur donationem posui super altare sancti Salvatoris
l.25 pro anima patris mei omniumque parentum meorum, necnon et pro mea anima et uxoris ac filiorum meorum, reddens Deo vero trino et uno injuste subductam
l.26 possessionem a predecessoribus meis collatam ex integro, cum militibus, hospitibus, molendinis, piscariis, silvis, pratis, salinis, omnique suppel-
l.27-lectili, ut semper possideatur ab ipsius servis usque in aeternum.
l.28 Si quis autem huic placito contrarius extiterit, et aliquam molestiam loco Fiscannensi pro ipsa re aliquo modo inferre temptaverit, primitus
l.29 iram Dei incurrat, et ab omnibus aecclesiae catholicae ordinibus excommunicetur, ac cum Juda traditore partem habeat, si non digna
l.30 satisfactione emendaverit. Hujus autem conventionis testes adfuerunt hii :
l.31 domnus abbas JOHANNES et omnes sui monachi, Nicolaus etiam filius Baldrici, Rotbertus et Pontius filii Drogonis,
l.32 Aldulfus de Braceio, Gilbertus filius Lodemarii.
l.33 ACTA PUBLICE FISCANNI CASTRO, DIE XV [KL...?...] AUGUSTARUM, IN CONVENTU GENERALI,
l.34 SUB PRESENTIA JOHANNIS ABBATIS CAETERORUMQUE [FRATRUM, NOBIS] PROPTER EUM HAUD PROCUL RESIDENTIBUS,
l.35 anno ab incarnatione Domini millesimo XLVII, indictione XV.

MARTENE (Dom Edmond), DURAND (Dom Ursin), Thesaurus novus Anecdotorum complectens Regum ac Principum aliorumque virorum illustrium epistolas et diplomata monumenta plura de Schismate Pontificum Aveniensium chronica varia, monumenta historica, varia concilia, statuta synodalia et opuscula varia SS. Patrum aliorum que auctorum Ecclesiasticorum, 5 vol., Paris, 1717, t. 1, col. 166-168.

BRUSSEL (Nicolas), Nouvel examen de l'usage général des fiefs en France, t. 1, Paris, 1727, p. 84-85 (éd. partielle).