Guillaume, comte de Talou, fils du duc de Normandie Richard II, donne à l'abbaye de Jumièges une partie de la forêt de Brotonne qui lui avait été concédée par Hugues, évêque de Bayeux.

l.1 IN NOMINE SANCTE ET INDIVIDUE TRINITATIS VUILLELMUS, RICARDI, MAGNI DUCIS
l.2 Normannorum filius, nutu superni regis, comes territorii quod Talohu nuncupatur,
l.3 vitam et sanitatem cunctis fidelibus. Sacrȩ scripturȩ que nobis ad cȩleste regnum de quo
l.4 per protoplasti inobȩdientiam male decidimus, remeandi semitam demonstrat, dictis
l.5 instruimur, quatinus dum has vitales auras carpimus, bonis operibus insistere curemus,
l.6 ibi quoque thesauros nostros reponere ammonemur, ubi eruginis aut tineȩ corruptionem
l.7 sive demolitionem sentire nequeant. Quod tunc utique fit, cum ȩcclesias Dei, ex bonis
l.8 nobis ab ipso collatis, devoto corde honoramus, aut inopum pauperiem reficimus. Hoc ego
l.9 cogitatione sedula revolvens, disponente Deo, aliquod ex mei juris beneficio, sancto Petro
l.10 servisque ejus supplementum largiri cupio, ob hoc maxime, ut Dei misericordiam pro nobis atque
l.11 pro nostris semper implorent. Est igitur michi quȩdam silva, supra Sequane fluvium, quȩ
l.12 rustice Brotunh vocatur. Hujus silvae quandam partem trado et concedo Deo ac sancto Petro
l.13 monachisque illius in Gemmetico monasterio, sicut infra demonstrabitur ; primum
l.14 videlicet pro comitis nostris Vuillelmi salute, deinde pro animȩ patris mei RICARDI comitis
l.15 ac matris meȩ redemptione, simul et pro domni Hugonis Baiocassine urbis episcopi, quo
l.16 tribuente illam silvam possideo, salvatione, pro animae quoque patris illius ac matris
l.17 requie, pro me nichilominus et pro conjugis meȩ incolomitate, ut habeant, teneant,
l.18 ac perpetualiter quietam liberamque possideant. Hȩc autem mea donatio, sumit initium
l.19 a via quȩ descendit supra do[mum Bernardi quam] dicunt De La Vacheria, et inde ducitur
l.20 per verticem montis usque ad campos [quo]s vo[cant vul]go Huyas.
l.21 Pro quo etiam dono ut firmius stabiliat[ur recepi] ab abbate ipsius loci, nomine Rotberto
l.22 sive a monachis, ipsorum denique rogatu, pretium LXta librarum, ne quis, malignitate
l.23 diabolica infectus, huic nostrȩ donationi umquam contradicere vel obsistere audeat.
l.24 Ceterum si furiosus quisquam et diabolice [per]versitatis veneno tumens, hoc donum
l.25 quocumque modo infringere presumpserit, primum Dei omnipotentis iram incurrat,
l.26 et sic a sanctorum omnium societate exclusus, aeternalibus incendiis, ȩternaliter
l.27 urendus si nisi resipuerit, tradatur. Et ut haec cuncta perpetim firma permaneant,
l.28 propria manu subter firmavi, dominoque meo comiti atque fidelibus meis firmanda
l.29 tradidi. Signum Malgerii arciepiscopi [croix]. Signum Vullelmi comitis Northmannorum [croix].
l.30 Signum [croix] Vuillelmi magistri comitis. [croix] Signum Nigelli vicecomitis. [croix] Signum Tursteni vicecomitis.
l.31 Signum Rodberti [croix] clerici.
l.32 Signum Willelmi Arcacensis comitis. Signum Gode[croix]fredi vicecomitis. Signum [croix] Rodgerii filii Rodulfi.
l.33 Signum Vuimundi.
l.34 Signum Aldul[croix]fi Bracce. Signum [croix] Norman[ni B]erle. Signum [croix] Lanberti filii Ricardi.
l.35 [croix] Signum Rodulfi Taxonis. [croix] [Si]gnum Rogerii de Sconchis. Signum [croix] Osberni.

1

VERNIER (Jules-J.), Chartes de l'abbaye de Jumièges ( v. 825 à 1204 ), 2 vol., Rouen-Paris, 1916, t. 1, p. 63-66, n° 20.

FAUROUX (Marie), Recueil des actes des ducs de Normandie de 911 à 1066, Mémoires de la Société des Antiquaires de Normandie, t. 36(1961), p. 256-257, n° 100.