Cession à l'abbaye de Saint-Ouen par un certain Drogon de biens qu'il a acquis dans le territoire de Saint-Ouen à Bailleul et de deux moulins sur le port du Goulet.

l.1 Ego Drogo, Deo vovi votum, quod perpetim firmum esse volo, terram fratris et vineas quas, consentiente abbate Henrico, comparavi in territorio Sancti Audoeni, quod dicitur Ballolo, post meum et mulieris mei obitum, ob caritatem et sotietatem vestram quam vobis sotiatus sum, et semper esse desidero, sine ullo herede, vobis fratribus meis. Deo et Sancto Audoeno
l.2 assidue servientibus, sincero animi affectu, concedo. Successores quoque vestros, sine meorum heredum calumpnia, in aeternum eas possidere libentissime concupisco. Duo insuper molendina, quae similiter, auctorizante prȩdicto abbate et vobis omnibus, feci im portu qui dicitur Orgul, vobis addo, heredibus solis
l.3 duobus filiis meis Hunfredo scilicet et Azolino, ea vero conventione, ut per singulos annos vobis debitum persolvant censum. Post mortem autem eorum, nullus ex illorum parte sit heres, nullusque superstes, qui vobis inde aliquam calumpniam immittat, aut molestiam prestet. Si quis vero prava cupiditate
l.4 deceptus, violaverit quod supra a nobis firmiter est statutum, justeque concessum, sit excommunicatus et anathematizatus, et a liminibus sanctȩ Dei ȩcclesiȩ sequestratus, et a consortio omnium Christianorum sit sejunctus et separatus. S. [croix] Ricardi comitis. S. Rotberti archiepiscopi. S. Henrici abbatis.
l.5 S. Gonnoridis comitissae. S. Judit comitissae