Énumération et confirmation par Raoul, comte de Bayeux et d'Ivry, de ses donations à l'abbaye de Saint-Ouen dans les comtés de Rouen et d'Evreux du temps des abbés Childebert et Henri.

l.1 [...] JURIDICIALIUM QUIPPE CAUSARUM STATUS MUNDIALIUMQUE RERUM RATIOCINACIO PROFUSIUS ATQUE RECTISSIMUS RETHORICAE
l.2 [dulcedinis exigit] locus, ut res quȩ legaliter prudenterque diffiniendo a superstitis determinantur posterorum futurorumque memoriae cartis inserantur, quatinus
l.3 omni scrupulosȩ rei sophismate dempto, omnique falsȩ opinionis jurgio floccipenso atque penitus evacuato veritas dubitandȩ rei cunctis clarius luce enucleetur probabiliter aperta.
l.4 Quapropter comperiat Northmannorum tam praesentium quam futurorum industria tradidisse et donasse me qui nuncupor Rodulfus comes peccator et indignus et conjugem meam
l.5 nomine Albredam ad locum Sancti Petri ȩtherei clavigeri, et Sancti Audoeni Christi mangnifici asertoris, situm contra orientalem plagam in suburbio Rodomagensis urbis tempore Hildeberti abbatis
l.6 res meae proprietatis et diccionis sitas in comitatu Ebroicacensi scilicet Dalbuoth, Venetum, Lillunt, Guitricmara. Post decessum vero meae conjugis, et Hildeberti abbatis tradidi alias
l.7 res meae potestatis meique legitimi juris superstite Henrico abbate videlicet villam in comitatu Rodomagensi quae dicitur Almaneir cum aecclesia et cum aqua variis
l.8 piscibus admodum plena, et cum luco ubi possunt saginari quingenti porci cum arabilibus terris cultis et incultis et aliam villam quae dicitur Cambracus cum [Cocerello]
l.9 cum aecclesia, cum terris arabilibus, cum cultis et incultis, et cum luco praemaximo et in Ebroicacense comitatu super flumen Otdurae duo molendina cum fertili
l.10 piscatura. Haec dona rerum mearum in hoc menbrano litteris praenotata trado Sancto Petro apostolorum principi, et Sancto Audoeno confessori
l.11 luculentissimo dimidia pro remediis animae Richardi senioris mei et fratris Normannorumque ducis et marchionis praepotentissimi et patricii
l.12 almiflui et dimidia suprascriptarum rerum pro remedio animae meae et pro requie animae uxoris meae atque pro animabus filiorum meorum
l.13 et filiarum ut monachi sub tutela Sancti Petri omnium discipulorum Christi principis atque Sancti Audoeni confessoris Christi praecipui Christo regi regum
l.14 devote famulantes teneant praescriptas res et possideant, et usus fructus accipiant, et quicquid facere voluerint, libere in servitio
l.15 Christi et in famulatu Sancti Petri, atque Sancti Audoeni faciant. Si quis meorum heredum aut quelibet persona extranea contra hanc traditionem
l.16 legitimam vel contra hoc decretum jure determinatum et definitum venerit, et infringere maluerit, in primis iram Dei omnipotentis incurrat
l.17 et quod repetit non evendicet sibi, sed confusus, et dempnatus, et excommunicatus, et anathematizatus recedat, persolvatque regi Francorum, centum
l.18 libras auri, ducique Normannorum similiter centum. Actum est hoc Rodomo civitate, anno ab Incarnatione Domini nostri Jhesu Christi, millesimo et XI, regnangte
l.19 Rotberto rege indiccione nona, feria VII, luna XIIII, XVII kalendarum Octobrium. [colonne1] Signum Richardi marchionis. S. Rotberti archipresulis. Signum Rotdulfi comitis qui hanc cartam fieri jussit. Signum Hugonis episcopi filii Rodulfi comitis. Signum Rodulfi fili Rodulfi comitis. [colonne2] Signum Hugonis episcopi. Signum Hugonis militis. S. Turchitin militis. S. Gulberti militis. S. Gerardi militis.
l.20 DUDO CAPELLANUS RICHARDI NORTHMANNORUM DUCIS ET MARCHIONIS HANC CARTAM COMPOSUIT ET SCRIPSIT.