Concession à l'abbaye de Fécamp par Robert, roi de France, de Villers-Saint-Paul, dans le comté de Senlis, avec ses dépendances.

l.1 In nomine sanctȩ et individuȩ Trinitatis Rotbertus gratia Dei gloriosus
l.2 rex Francorum omnibus orthodoxis. Regnorum status
l.3 non casuali agitur fortuna, sed divinȩ dispositionis
l.4 appenditur statera, cum ipse largitor honorum
l.5 regia ortus prosapia nactus est a Deo patre regii
l.6 culminis sacramentum, oleo jocunditatis perfusus,
l.7 pre suis consortibus. Hujus ergo vocabulum non nostris
l.8 meritis, sed solius gratia miserentis adepti, prout facultas
l.9 suppetit ipso opitulante dignum est et competens, nostrȩ parvitatis
l.10 ei impendere famulatum, et si qua justiciȩ in nobis
l.11 viget portio, ipsius benignitati asscribere. Quocirca
l.12 noverit tam presens ȩtas, quam et futurorum sanctȩ Dei ȩcclesiȩ
l.13 posteritas, quia more predecessorum nostrorum regum Franciae,
l.14 ȩcclesias Dei quoad possumus augmentare cupimus, pro remedio
l.15 animȩ pii genitoris nostri domni Hugonis regis, ac
l.16 genitricis nostrȩ Adelaidis reginȩ, necnon et provectu
l.17 salutis nostrȩ. Concedimus igitur quasdam res nostri juris
l.18 monasterio Sanctȩ Trinitatis, quod est situm supra litus maris,
l.19 ad castrum quod dicitur Fiscannum, hoc est villam quȩ dicitur Villaris
l.20 cum omnibus ad eandem villam pertinentibus et est sita super
l.21 Isaram fluvium in comitatu Silvanectensi. Sit ergo ab
l.22 hodierno in reliquum predicta villa serviens usibus fratrum
l.23 prefati monasterii, ut nullus officialis habeat in ipsa villa
l.24 aliquod dominium, sive comes sive vicomes, vel quilibet improbus
l.25 exactor, neque in bannis, neque in legibus, neque in fredis, aut
l.26 in aliquo usu indebito, quem costumam vulgo nuncupant.
l.27 Ut autem hoc nostrȩ donationis atque auctoritatis preceptum
l.28 inconvulsum ac inviolabile per succedentia temporum curricula
l.29 maneat, manu propria illud corroboravimus, et sigilli nostri
l.30 impressione signari jussimus, manibusque fideliumque nostrorum
l.31 corroborari fecimus. Si quis ergo quod non credimus et quod absit,
l.32 hoc scriptum nostrȩ auctoritatis temerare vel infringere
l.33 aliquatenus presumpserit, ȩrario nostro persolvet libras auri C
l.34 et conatus ejus illicitus irritus fiat [monogramme].
l.35 Anno ab incarnatione Domini nostri MoVo.
l.36 Actum Silvanectis in palatio epyphania Domini, regnante
l.37 gloriosissimo rege Rotberto anno VIIIX, luna VIIX, indictione IIII.
l.38 Ego Franco cancellarius palatii subscripsi [subscripsi]

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. X, p. 587.

NEWMAN (William Mendel), Catalogue des actes de Robert II, roi de France, Paris : Librairie du Recueil Sirey, 1937, n° 29.