Charles le Chauve, empereur, confirme les biens du monastère de Saint-Ouen de Rouen, et lui concède l'immunité, l'exemption des droits du fisc et la libre élection de l'abbé.

l.1 IN NOMINE SANCTAE ET INDIVIDUAE TRINITATIS, KAROLUS, EJUSDEM DEI OMNIPOTENTIS GRATIA IMPERATOR AUGUSTUS. SI HIS QUAE FIDELES NOSTRI PRO STATU ET UTILITATE ECCLESIARUM AC SERVORUM DEI AUREM CELSITUDINIS NOSTRAE IMPLORANT OB AMOREM DEI LIBENTER ADQUIESCIMUS NECNON ETIAM NOSTRIS EDICTIS CONFIRMAMUS,
l.2 hoc nobis procul dubio ad aeternam beatitudinem et totius imperii a Deo nobis commissi tutelam prodesse confidimus et remuneratorem Deum propter hoc in futuro habere credimus. Igitur notum sit omnibus sanctae Dei ecclesiae nostrisque fidelibus, praesentibus scilicet et futuris, quia venerabilis archiepiscopus Johannes, Rotomagensis ecclesiae episcopus, aurem celsitudinis nostrae adiit,
l.3 nostrae suggerens serenitati ut res priscis temporibus delegatas usibus monachorum qui in monasterio Sancti Petri apostoli, ubi praeciosissimus confessor Christi Audoinus corpore requiescit, Deo jugiter famulantur, nos denuo per nostrae roborationis praeceptum confirmaremus, scilicet ut absque demptione vel diminoratione aut oppressione rectorum, sicut villae in eorum stipendiis fuerunt segregatae tempore
l.4 venerabilis Remegii episcopi, ita ut perpetuis temporibus eas quiete habeant ad possidendum atque regendum, quae sunt hae omnes videlicet mansurae intra et juxta civitatem quae ad jamdictum monasterium pertinent, habentes agros, vineas, prata, silvas et piscatorias. Ampliacus etiam villa cum omnibus mansis et appendiciis suis et Villare cum omnibus appendiciis suis,
l.5 Wascoilus cum omnibus appendiciis suis, Wadiniacus, Prisiniacus, [...10...blodi] villa, Inciacus et Vallis cum omnibus appendiciis earum. Livinus cum Seregio et Arciacis, Dunus tam superior quam inferior, Derciacus, Vernus, Wadenciacus cum Fontanis et illa ecclesia de Sanctiniaco, Sanciacus, Condatus cum omnibus appendiciis earum, et illi manselli
l.6 qui sunt [in] Talomovo, Combrosus etiam, Hedanae oratorium, Perindivillare, Genistose, Aciniacus, Conflendis cum omnibus appendiciis earum, Manani villa et illi curtiles qui sunt in Caplon cum vineis ad eos aspicientibus, Rausus quoque et Bresiniacus, Anatarus et illi curtiles et grava quae sunt in Diva ad ipsum monasterium pertinentes et Basonni villam, Rongisum,
l.7 Wanbacium cum omnibus suis appendiciis, et in Larginiaco mansos quattuor cum ecclesia, et in Canpetra mansum unum cum alode quem dedit Gotramnus, et ad luminaria ecclesiae ejusdem monasterii media pars portus supradictae urbis et precariae omnes ad ipsum locum pertinentes, et villula Bidolidus cum mansellis qui sunt in Sairiaco sub manu custodis ejusdem ecclesiae.
l.8 Has omnes villulas cum appendiciis suis et quicquid ad praesens possidere atque ordinare videntur jamdictis fratribus per praeceptum auctoritatis nostrae confirmamus, nostris etiam futurisque temporibus mansurum esse volumus, statuentes ut omnia quae ad eos pertinent libere et quiete eis ad stipendia sua liceat ordinare et quae modo relinquimus ad reddendum tempore
l.9 congruo et oportuno pro Dei misericordia reddere cupimus. Constituimus autem ut omnes qui beneficia habent ex rebus saepedicti monasterii, decimas ad hospitale quod in eodem monasterio est, dare non differant; atque ex rebus ejusdem monasterii unde a tempore jamdicti venerabilis Remegii advocati extiterunt, perpetua successione constituantur,
l.10 ne occasione advocatorum aliqua ab ipso monasterio subtrahantur; necnon omnes precariae ad ipsum locum pertinentes, post decessionem eorum qui eas usu fructuario possident ad ditionem memoratorum monachorum redeant. Jubemus etiam ut nullus episcoporum ex praedictis villis aliquid demere aut minuere ad ipso monasterio et a monachis ibidem
l.11 degentibus praesumat, neque ab eis mansionaticos neque paratas seu aliqua opera facienda, neque dona ad ullam festivitatem requirat praeter duos in anno caballos; et de ipso monasterio licentiam habeant sibi eligendi abbatem, sicut regula jubet, sub tuitione tamen sui episcopi. Statuimus quoque atque jubemus ut nullus judex publicus, aut quislibet
l.12 judiciariam exercens potestatem, aut ullus fidelium nostrorum, tam instantium quamque futurorum, in ecclesias aut loca vel agros seu reliquas possessiones quas moderno tempore infra imperii nostri ditione quibuslibet in pagis et territoriis juste legaliterque possidet, vel ea quae deinceps juris ipsius sancti vel servorum Dei per nos
l.13 aut per alios quoque divina pietas voluerit augere, ad causas audiendas aut freda exigenda, aut mansionaticos sive paratas faciendas, aut fidejussos alicui tollendos, sive homines tam ingenuos quam et servos super ipsius terram commanentes distringendos, nec ullas reddibiciones aut inlicitas occasiones requirendas, nec res erraticas
l.14 nostris neque futuris temporibus ingredi audeat, nec eas quae supramemorata sunt paenitus exigere praesumat. Et si ad eorum litus piscem vel aliquid mare evomuerit, actores potestatem tollendi non habeant, sed ipsis fratribus sit in auxilium. Et quicquid de praefati reverendique loci rebus fiscus noster exigere poterat,
l.15 eidem integre concedimus ecclesiae, scilicet ut perpetualibus temporibus stipendiis fratrum ibi Deo famulantium et alimoniis pauperum proficiat in augmentum, quatinus illic quiete degentes cum omnibus rebus sibi aspicientibus, sub nostrae tuitionis immunitate, remota totius judiciariae potestatis inquietudine,
l.16 deinceps commorentur, atque pro nostra incolomitate imperiique nostri stabilitate clementissimam Dei miserationem eis in perpetuum exorare delectet. Et ut haec auctoritas nostrae confirmationis firmiorem in Dei nomine obtineat semper vigorem, manu nostra eam subter firmavimus et anulo nostro subter insigniri jussimus.
l.17 SIGNUM KAROLI [monogramme] GLORIOSISSIMI IMPERATORIS AUGUSTI.
l.18 [chrisme] AUDACHER NOTARIUS AD VICEM GAUZLINI RECOGNOVIT ET SUBSCRIPSIT (RUCV) [Johannes episcopus ambasciavit] [sceau].
l.19 Datum VII kalendas junii, anno XXXVI regnante Karolo imperatoris in Franciam, imperii ejus anno primo, indictione VIIII. Actum Basiu palatio imperiali.

POMMERAYE (Dom J.F.), Histoire de l'abbaye royale de Saint-Ouen de Rouen, 2e éd, Paris, 1663, p. 401.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 8, p. 650, n° 260.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 2, p. 406-411, n° 407.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 5, pl. 15 (fac-similé).