Henri V, roi, à la prière de Pierre, abbé de Saint-Hilaire de Venise, confirme au monastère et à ses possessions, la protection impériale et l'immunité accordées par ses prédécesseurs.

l.1 [chrisme] IN NOMINE SANCTAE ET INDIVIDUE TRINITATIS, HEINRICUS, DIVINA FAVENTE CLEMENTIA QUINTUS ROMANORUM REX.
l.2 OMNIUM sanctarum Dei ȩcclesiarum nostrorumque fidelium presentium scilicet ac futurorum comperiat industria, qualiter PETRUS venerabilis abbas Sanctarum Dei ȩcclesiarum Hylarii Benedicti de partibus Venetiarum ac finibus juxta
l.3 fluvium UNAe, ad nos venit humiliter postulans nostri magnitudine regiminis ac deprecans, quatinus nos pro Dei amore animȩque nostrȩ remedio et nostri regni stabilitate, per nostrȩ auctoritatis preceptum eisdem sanctis ȩcclesiis id corroborare et confirmare dignaremur
l.4 quod a KAROLO vetustissimo imperatore, set et primo, et secundo et tercio Ottone, et Heinrico, necnon Heinrico, et alio Heinrico, et tercio Heinrico patre nostro beatȩ memoriȩ corroboratum fuerat. Vidit etiam nostra imperialis majestas scriptum Rotheris secundi sanctae Tarvi-
l.5-sinatis ȩcclesiȩ ȩpiscopi, in quo patet quomodo Gotpult Aquileiensi patriarcha Tarvisii generaliter synodante, prefatus ȩpiscopus de decimis duarum villarum presignati monasterii, Cesariȩ scilicet et Pladani, a legatis ducis Veneticarum domnici Contareni ibi publice inpetitus fuerit, et quomodo convictus
l.6 ab eis fuerit, et quomodo ibi synodali sententia fuit judicatus, et quomodo omnes decimas illas refutavit, et hoc idem fecit de consecrationibus et sinodalibus observationibus, scilicet quod n[ihil] prorsus pertineat de his Tarvisini episcopatus juri. Scriptum etiam aliud Acilini Tarvisini episcopi vidimus
l.7 [fore in presentia Sich]ardi Aquileiensis patriarc[hȩ Altini synodantis convictum et judicatum, et illum prefati scilicet Rotherii episcopi refutationem refirmasse evidentissime comperimus. Unde a nostra excellentia prememorato] venerabili abbate [Sancti Hilarii justitiam] expetente [Gotpult]
l.8 [....] Tarvisinum episcopum ante nostram presentiam venire jussimus, quem violentariȩ invasionis arguimus, et omnia precontexta in manu nostrȩ clementiȩ sub nostra defensione ad jus monasterii predicti Sancti Hilarii eum refutare coegimus. Et sic factum est. Nos itaque abbatis postulationem
l.9 [...15...] et rogatu nostrorum fidelium per auctoritatem hujus paginȩ confirmavimus atque concessimus, quicquid a memoratis inperatoribus et episcopis concessum fuerat et refutatum ac corrobora[tum, scilicet co]lonos omnes qui sunt in Cesaria et in Pladano et in finibus illis et in omnibus aliis finibus
l.10 [...15...] pertinere antiquitus et moderne dinoscitur, et simul cum capella in ip[so] Pladano in honore sancti Petri fundata, et decima de predicta Cesaria et Pladano et ipsorum co[lonium] ad ipsam pertinentium capellam, sive cum vineis, terris, silvis, campis, pratis, pascuis, paludibus,
l.11 [in ipsa Cesaria seu Pladano] constitutis, cum portu similiter qui est juxta ipsum monasterium situs, cum omnibus illorum ripatibus, toloneis, quadrantesimis, et omnibus ad predicta loca pertinentibus. Lege[batur] atque in eodem precepto quod KAROLUS imperator hȩc eadem loca per commutationem acce-
l.12-[pisset] a sanctȩ Tarvisianȩ ȩcclesiȩ [antistite] Landulo nomine, et eisdem ecclesiis in oblationem detulisse. Insuper etiam legebatur in eodem precepto, quod ipsa a KAROLO facta oblatione predi[ctisque in]peratoribus supranominatis ȩcclesiis per sui precepti confirmationem dederit, atque imperiali potentia
l.13 habendum inviolabiliter confirmaverit. Nos autem Deum timentes et ipsum abbatem ilustrem juste petentem, et precepta supranominatorum augustorum conservantes, confirmavimus et corroboramus hoc nostrȩ auctoritatis preceptum eisdem ȩcclesiis rectoribusque earum prenominata loca cum omnibus
l.14 [olim pertinentibus] ad jura ipsarum et xenedochiis beatissimi Petri apostoli et Viti martiris q[ue sunt in] civitate Tarvisio et ex omnibus que ad predicta loca pertinent Cesariam et Pladanum et [cum supranominata capella cum predicta] decima cum designatis atque predictis lateribus, horum uno latere firmante [in
l.15 flumine] currente juxta prenominatas villas, alio latere in Aurelia, tercio latere in Cornio, quarto latere in Aquis Salsis. Hȩc omnia in ipsis ȩcclesiis confirmamus et corroboramus [cum] vineis, pratis, pascuis, campis, silvis, venationibus, aquis aquarumque decursibus, padulibus,
l.16 molendinis, ripis, portibus, ripatibus, toloneis, quadrantesimis, decimis cunctisque ad supradicta loca pertinentibus. Jubentes ergo terribiliter precipimus ut nullus episcopus Tarvisianus nec dux nec marchio nec comes nullaque alia persona magna vel parva, predictis ȩcclesiis ministrantes de prefatis
l.17 [omnibus locis et rebus] inquietare et molestare, et de predictis locis aliquid aliquo modo sine regali et imperiali judicio presumat. His igitur supranominatis omnibus et a nobis his ipsis concessis [et per nostri precepti confirmationem inviolabiliter confirmatis] predecessorum nostrorum facta per omnia equi-
l.18-[perantes] pro animȩ nostrȩ remedio nostrique regni stabilitate ac peticione supradicti venerabilis abbatis per presentem paginam nostri precepti eisdem ȩcclesiis concedimus et confirmamus ha[bendum] curtim unam quȩ vocatur Treserule et curtim Sanctȩ MARIAe quȩ jacet juxta Pedragam
l.19 im comitatu Tarvisiano, cum omnibus appendiciis illarum et cum universis ad earum jura aspicientibus, cunctasque alias terras a quibuscumque juribus et viris prescriptis sanctis ȩcclesiis legaliter attributas. Hoc precipientes, ac regali imperio confirmantes, ut nullus dehinc dux, marchio,
l.20 comes, patriarcha, archiepiscopus, episcopus, aut hic ȩpiscopus Tarvisianus, aut aliquis successorum ejus, nullaque alia persona ȩcclesiastica vel secularis, magna vel parva, de cunctis locis vel rebus supra per ordinem nominatis famulentes predictis inquietare vel disvestire sine regali et imperiali judicio presumant.
l.21 Contradicimus homines supradictarum ecclesiarum terras inhabitantes universis judicialibus [perso]nis, ut de ipsis hominibus placitum nullum faciant, seu aliquid publici ab eis exigant, aut fotru[m t]ollant, nullamque ibi de predictis omnibus locis vel rebus illis violentiam inferant, set in potestate
l.22 predicti abbatis omniumque successorum ejus per[maneant. Si quis a]utem, quod non credimus, hu[jus nostri precepti violator extiterit, sciat se compositurum] auri puri libras mille, medietatem [camere nostre] et medietatem predictis ȩcclesiis ministrantibusque [eis. Quod ut verius credatur diligentiusque]
l.23 ab omnibus observetur, hoc preceptum manu propria roborantes, sigillo nostro insigniri jussimus.
l.24 SIGNUM DOMNI HEINRICI QUINTI ROMANORUM REGIS INVICTISSIMI [monogramme].
l.25 BURCHARDUS CANCELLARIUS ET EPISCOPUS VICE ALBERTI ARCHICANCELLARII MAGUNTINE SEDIS ELECTI RECOGNOVIT.
l.26 Data VI kalendas januarii, indictione III, anno dominicȩ incarnationis millesimo CX, regnante Heinrico quinto rege Romanorum anno V, ordinationis ejus X. Actum Aricii. Feliciter in Christo. AMEN.