Eudes, abbé, et les moines de Saint-Sauveur de Villeloin d'une part, et Robert de Urtiaco et plusieurs autres d'autre part, passent des accords au sujet des coutumes d'Epeigné-le-Bois et de la forêt de Chédon.

l.1 [chrisme] DEUS pater previdens sanctȩ ȩcclesiȩ multas et innumerabiles tribulationes et etiam condolens hominem perire, quem effuso
l.2 sanguine unigeniti sui redemit, quosque fideles ad viam veritatis quȩ Christus est revocat. Tandem omnipotentis Dei gratia
l.3 corda fidelium perlustrante quibusdam terrenis cupiditatibus obcecata, ad cognitionem sui nominis Rotbertum de
l.4 Urtiaco et Gaufridum filium Guiterni, et Matheum, et Paganum Cenbellum revocatos de injuriosis consuetudinibus quas antecessores
l.5 eorundem in terra Sancti Salvatoris que est apud Ispaniacum injuste habuerant, concordiam cum abbate Odone et monachis Sancti Salva-
l.6-toris fecisse omnibus filiis Dei ȩcclesiȩ notificamus scripto nostro. Cum enim prefata terra pene esset ab incolis dimissa, pro remedio animarum
l.7 tam suarum quam parentum, ut Deus et dominus noster earundem misereretur, omnes illas malas consuetudines quas prescripsimus in terra illa
l.8 extitisse, Deo omnipotenti et ȩcclesiȩ in suo nomine fundatȩ predicti viri quibusdam retentis misericorditer dimiserunt. Has consuetudines
l.9 videlicet retinuerunt, quod unusquisque agricola cum bobus laborans unoquoque anno eisdem unum sextarium de avena, et unum denarium persolveret,
l.10 qui vero cum fossorio I minam et unum denarium ; hac quidem conventione quantum quisque plus poterit de terra illa hanc redditionem solvens colat.
l.11 Quos si quispiam capras suas in silvam miserit, pro unaquaque si unius anni fuerit I obolum persolvat. Secretarii silvȩ quȩ vocatur Cheddonis si aliquem
l.12 hominem sive superterraneum Sancti Salvatoris accusaverint de forisfactis silvȩ videlicet de incendio et de apibus furatis et de venatione, sub testimonio
l.13 legalium testium, accusatus coram testibus se judicio purget. De hujusmodi forisfactis, si alius alium accusaverit, et inde accusatus se purgari poterit,
l.14 accusator quoque in accusatione sua defecerit, legem consuetudinariam qua vivit, secretario componat. His et horum parentibus et coadjutoribus
l.15 decrevimus beneficia nostri loci, videlicet de psalmis, de orationibus, de jejuniis, de elemosinis, de missis, impendi. Qui vero huic concessioni
l.16 contraire voluerint, a sanctȩ Dei ȩcclesiȩ liminibus arceantur, et anathemate feriantur, et quod perpessi sunt Dathan, et Abiron, quos terra vivos absorbuit,
l.17 sine fine patiantur.
l.18 TESTES SUNT HUJUS REI : GUANILO DE PALVEL, Goffridus Aries, Ernaldus de Marchees, Audemarus Chalvels, Adraldus Grosbois,
l.19 Odo abbas, Johannes monachus, Josbert Mainbert, Rotbertus presbiter, Bertinus Caulo, Barbotinus clericus, Haimo major.
l.20 Hac ratione premissa, Johannes de Monbasone, Archambaldus Odulgerii filius de Bresi, Johannes quoque cognomine Jhesus, concessionem
l.21 de prenotata consuetudine bosci Capdonis et terre quam prescripti viri, Rotbertus scilicet de Urtiaco, et alii fecerunt, quia sui juris erat, pro
l.22 superne retributionis amore dimiserunt, dimissionis certificationem huic cartule signis suis inprimentes, sub multorum qui subscri-
l.23-buntur testimonio. Sed ne sua dimissio vel concessio in aliquo debilis inveniatur, statutum est statuendoque firmatum, ne secretarii silvȩ et terrȩ,
l.24 pro quolibet forisfacto Capdonensis consuetudinis, vindictam ab incolis loci facere presumant, nisi prius clamore facto, Spa-
l.25-niaci monacho preposito, injurie presumptione patefacta. Petrus de Monbasone, et filius ejus, Goscelinus, Goffredus Cochem, et filius ejus Petrus, Johannes Pauper,
l.26 Otgerius Forget, Archambaldus Marrandus, Raherius de Monbasone, ih et alii. Ex parte nostra : donnus Odo abbas, Johannes monachus, Arnaldus monachus, Petrus presbiter,
l.27 Autbertus presbiter, Goffredus de Scubiliaco.
l.28 Postquam cartula ista affirmata atque corroborata fuit, inter Odonem Ville Lupensis ecclesie abbatem atque Matheum Inferni
l.29 et Gaufridum filium ejus atque Gauffridum Guiterni, eo Matheo vivente, Villelupensis ȩcclesia habuit quiete ac possedit. Post igitur obitum Mathei Inferni,
l.30 Gaufridum filium ejus atque Gaufridus filius Guiterni hanc pacem et hanc concordiam denegare volentes, quȩdam summa inter eos contencio in
l.31 claustro Sancti Aniani orta est. Quapropter barones Sancti Aniani hoc placitum supradictum reformare atque reconciliari cupientes, Odo abbas
l.32 eorum consilio eo tenore eaque condicione remotata omni calumnia remota omni controversia unicuique eorum Andegavensis monete XLta solidos
l.33 donavit ac persolvit. Hic inferius testes sunt : Signum [croix] Johannis de Montebasone dominus. Signum [croix] Johannis Jhesus. Signum [croix] Amilla femina. Signum [croix] filius ejus Guiternus. Signum [croix] Rotberti. Signum [croix] Goffredi filii Guiterni. Signum [croix] Viviani. Signum [croix] Mathei. Signum [croix] Goffridi filii ejus. Signum [croix] Hervei. Signum [croix] Archembaudi. TESTES EX PARTE ARCHAMBALDI : Ascio de [.]ucas, JORDANIS DE BRISCO, GERVASIUS, GAUTERIUS Faciens Mala, Fulcho, Grafinus, Rainaldus Otgerius, Gauterius de Mesnis, et alii. EX PARTE MONACHORUM: Odo abbas, Arnaldus monachus, Eblo presbiter, Goffridus de Chaorcis, Barbotinus clericus, Bertinus Caulo. SIGNUM [croix] ARCAMBALDI FILII ULGERII.
l.34 Hanc adfirmacionem viderunt et audierunt: Fulco de Vilentrast, Hubertus de Bazeleia, Hugo filius Evrardi, Gaufridus Peior Lupo,
l.35 Fulconis de Calvomonte, Girardus Butet, Eniorricus Forsennarius, Astho de Roca, Bernerius Maritata, Bernerius de Rupe, Warinus Arpinus, Robertus Pigerator.