Emma, veuve de Jourdain Frotier, et ses fils confirment à l'abbaye de Saint-Maixent la donation faite par son mari de toutes les églises et fiefs dépendants que celui-ci possédait.

l.1 Posterorum multitudini notificare volumus quod Jordanus Froterius, de omnibus ȩcclesiis quas habe-
l.2-bebat in vita sua ubicumque essent, dedit feoda presbiterorum Fulconi filio suo quando obtulit eum Deo et Ademaro
l.3 episcopo ad clericum et corona ei fuit benedicta. Postea ego Emma mater sua post mortem patris sui dedi
l.4 eum sancto Adjutori Maxentio ad monachum esse perpetuum, cum omnibus donis ȩcclesiarum supradictis et ipsa concessi
l.5 et tradidi in manibus Archimbaudi prioris et Goffredi de Rothmancio et Petri Fulcherii monachorum Sancti Maxentii,
l.6 videntibus testibus Guidone David et Fulcaudo de Salacans. Item quoque ego Guillelmus Jordanus et fratres mei, Gi. Robertus, Go. Jorda,
l.7 Fulconi fratri nostro karissimo jam monaco facto et Johanni de Gasnachia et Petro Fulcherio monachis, eodem modo
l.8 quo et mater nostra, dedimus sancto Adjutori Maxentio in perpetuum absque ulla requisicione cum capite corrigie
l.9 quam habebam in manu, videntibus Petro Escarpil et Constantino Calvello. Et in capitulo etiam quando
l.10 ad Pascha Domini recepit monachicum habitum, Garnerio abbate tribuente et presidente et omnibus fratribus
l.11 in capitulo ubi accepimus societatem et beneficium totius monasterii, concessimus sicut et prius,
l.12 videntibus istis testibus : Signum Guillelmus Jordanus. Signum Goffredus frater ejus. Signum Audeerius. Signum Giraudola.
l.13 Signum Bernardus Gilbertus. Signum Archimbaudus Aufred. Signum Ugo monacus. Signum Johannes monacus. Signum Constantinus monacus omnesque fratres simul.
l.14 Primum donum fuit factum tempore abbatis Ade, et secundum Garnerii temporibus cum supradictis testibus.
l.15 Anno ab incarnatione Domini millesimo CVI, quando Urbanus papa fuit Sanctonas, et signum crucis apparuit
l.16 in cȩlo, REGNANTE PHILIPPO REGE IN FRANTIA ET Guillelmo comite in Aquitania,
l.17 Petro Pictaviense presule, et Garnerio abbate, regentibus ȩcclesiis suis.

1