Archembaud de Bourbon dit le Fort renouvelle l'approbation donnée par son père, Archembaud du Montet, aux libéralités de Jean de Saint-Caprais envers l'abbaye de Saint-Denis.

l.1 Cum divina bonitas, et inmensa Dei pietas, omnes intra sinum universalis matris aecclesie, sub unitate fidei collectos dictis et exemplis, quid eligere vel quid respuere debeant, benignissime admoneat, et illos, si ejus precepta observaverint, regnum celeste
l.2 possessuros repromittat, oportunum valde et utile est ut vocem Domini eos dulciter invitantis, quique fideles, leta cordis aure percipiant, et cum sedula mentis intentione, ad gaudias celestis vite, desiderantissime sequi studeant. Unde ego Archinbaldus
l.3 Burbunensis, cognomine Fortis, filius Archinbaldi de Monticulo, cupiens habere propicium Deum, et sanctum Dionisium, videns locum de Capella constructum in terra, que est sub defensione mea, cognoscens etiam patrem meum amplissime augmentasse res sancti Dionisii,
l.4 ego quoque quasi imitator patris, volens amplificare monasterium Sancti Dionisii, pro salute anime mee, et anime patris mei, in presentia domni Richardi Bituricensis archiepiscopi, consilio uxoris mee, et voluntate et concessione Archinbaldi filii mei et obtimatum meorum,
l.5 sicut pater meus dederat et concesserat, in curia Philippi Francorum regis, in palacio Parisiacensi, die sancto Pentecosten, ita dono et concedo, Deo et monasterio Sancti Dionisii, apud Capellam fundato totum fiscum Johannis de Sancto Caprasio, ita integre sicut ipse Johannes,
l.6 de patre meo, et antecessoribus meis, habuit et quiete possedit. Scilicet mansos de Monte Julano, cum heredibus ; et mansum de Tiliaco, cum heredibus ; et Stephanum judicem de Ultriniaco, cum hereditate sua, et heredibus ; et Rannulfum Falset de Ultriniaco, cum hereditate sua ;
l.7 et hereditatem Samuel de Ultriniaco, cum heredibus ; et hereditatem Rannulfi Sirvent de Ultriniaco, cum heredibus ; et mansum de Scotrono, terram, et prata, et silvas ; et in terra Haibrandi de Ultriniaco, unum porcum et I multonem, et II sextarios avene,
l.8 mansum etiam quendam cognominatum Cot, in quo consuetudines multas habebam, et servientes mei, dono et concedo Deo et sancto Dionisio, quietum et ab omni servitio liberum, sicut pater meus dedit et concessit ; consuetudinarias etiam acceptiones, quas in manso de Cortada,
l.9 habebam, ex toto dimitto, sicut pater meus ex toto dimisit. In his omnibus supradenominatis, quidquid Johannes de Sancto Caprasio de me habebat, et quidquid ego in meo dominio habebam, vel servientes mei pro me accipiebant, totum integre dimitto ; in Rainaldo vero de Palicia,
l.10 et in Constantio cognato illius, cum hereditate eorum, et in Godone de Raberiis, cum hereditate sua, concedo tantum hoc quod Johannes de Sancto Caprasio de me habebat. In hereditate Mainerii de Savahic, porcum et multonem ; et in manso Gosberti Crebexac, porcum et multonem ;
l.11 et in hereditate Girberti Botet, porcum et multonem ; et in hereditate Amalberti, porcum et multonem ; et in manso de Casania, porcum et multonem ; et in manso de Limagna, porcum et multonem ; et in manso Unberti de Valle, porcum et multonem, et unam saumam
l.12 vini et V solidos ; et in manso Fulcuini de la Greleria, omnem servitium ; et in manso Beraldi de Mauliaco, porcum et multonem, et censum, in Casulis, dimidium mansum ; in Brugeriis, porcum et multonem, IIque sextarios avene, et Rodulfum cum fratribus suis, Ruiniaco
l.13 Unbertum Magnionem. Dono iterum et concedo Deo et monasterio Capelle, in manu tua domne archiepiscope, ut quidquid omnes fiscales mei, cujuscumque conditionis sint, dederint monachis de Capella, vel ipsi quocumque modo adquirere poterint, monachi perpetualiter absque
l.14 calumpnia habeant. Concedo etiam et confirmo auctoritate mea, in manu tua, inmunitatem Capelle, et omnium intra IIIIor cruces existentium, sicut pater meus concessit et confirmavit, in presentia Philippi Francorum regis, testificans ut quisquis
l.15 de genere suo, terram suam esset, hereditaturus maxime tamen sub defensione domini, castrum Burbunense habentis, esset locus Capelle, et omnia que sub jure ejusdem loci erant vel futura erant ; insuper et ab invasione omnium hominum defenderet, non quod ullam dominationem, vel ullam consuetudinem,
l.16 in eadem villa, vel in rebus sancti Dionisii haberet, sed ut ob honorem et reverentiam Dei et sancti Dionisii, omnium possessionum aecclesie de Capella, vindex et defensor ego et quicumque de genere meo, castrum Burbunense haberet, semper existeret. Deprecor itaque paternitatem tuam
l.17 domne Richarde ut si aliquis de genere meo, vel alia quelibet persona, hanc inmunitatem coram legitimis testibus factam, violare presumpserit, vel de rebus superius denominatis, monasterio de Capella, injusticiam fecerit, tu et omnes successores tui, presidentes
l.18 Biturice sedi, Deo et sancto Dionisio, et domino Burbunensi, defensores existatis, et monachis de injusticia plenariam justiciam faciatis. Richardus igitur archiepiscopus, perpendens bonam voluntatem domni Archinbaldi Burbunensis, jussu et rogatu ipsius, jussit inde cartam fieri,
l.19 et suo proprio sigillo siggillari. Hoc actum est apud Montem Lucium, vigilia beati Johannis Baptiste, in presentia domni Richardi Bituricensis archiepiscopi, regnante Philippo rege Francorum. Signum Archinbaldi Burbunensis. Signum Archinbaldi filii sui. Signum Ugonis
l.20 prioris de Capella. Signum Hunbaldi Uriacensis. Signum Amelii Cambonensis. Signum Wuillelmi de Banathac. Signum Ainonis de Velcia. Signum Petri de Pinthac. Signum Unbaldi de Burbunensis. Signum Bartholomei Burbunensis. Signum Iterii archidiaconi Burbunensis. Signum Andree
l.21 archidiaconi. Signum Emenonis prepositi Cambonensis. Signum Rogerii archidiaconi de sancto Desiderato. Signum Goffredi archipresbiteri. Signum Bernardi cognomine Bauli de Monte Lucio. Signum Raimundi de Parignic. Signum Constantii vicarii de Iricione. Signum Bernardi de
l.22 Cervo. Signum Geraldi de La Coldra. Signum Nicefori de Molendinis. Signum Hunbaldi de Paciaco. Signum Wuillelmi de Paciaco. Signum Hunbaldi de Noento. Signum Petri Beraldi. Signum Gosberti de Monte Le Ardo. SIGNUM AUGISI QUI HANC CARTAM SCRIPSIT.
l.23 [sceau].

1