Paris, BNF, n.a.l. 2182 n° 1

<< < / > >>

Numéro2623

Fiabilité de l'actenon suspecté

Genrecharte

Date09/1062(fiabilité :édition)

LieuLimoges(lat :in urbe eadem Lemovicensi)

DiocèseMâcon

RégionBourgogne

Supportparchemin

Chirographienon

Sceau non scellé

Etat de la traditionoriginal

Hauteur à gauche460   mm

Hauteur à droite450   mm

Largeur en haut395   mm

Largeur en bas405   mm

AuteurAdhémar, vicomte  de  LIMOGES

BénéficiaireAbbaye  de  CLUNY

Regeste

Adhémar, vicomte de Limoges, donne à l'abbaye de Cluny l'abbaye Saint-Martial de Limoges.

Fac-similé

Texte

l.1 [chrisme] NOVERINT OMNES SANCTȩ MATRIS AECCLESIAE FILII AC FIDELES TAM presentis quam futuri temporis, quod ego Ademarus, vicecomes Lemovicensis, domno Hugoni, abbati
l.2 Cluniacensis monasterii, omnibusque successoribus ejus abbatibus qui idem monasterium Cluniacense regulariter gubernabunt, dono et trado abbatiam Sancti MARTIALIS Lemovicensis, cum consensu et auctoritate
l.3 domni Iterii ejusdem civitatis episcopi, canonicorumque ejus, necnon et conjugis meȩ Umbergȩ filiorumque meorum, et obtimatum, ob indulgentiam peccatorum nostrorum, et parentum nostrorum, et maxime eorum
l.4 quȩ de eadem abbatia contraximus, consentientes monachos ibidem degentes non secundum regulam sancti BENEDICTI vivere, et animarum regimen symoniace ementibus abbatibus vendentes. Quam
l.5 heresim cum ab initio nascentis ȩcclesiȩ beatus PETRUS apostolorum princeps in ipso suo capite extinxerit, nuper tamen sanctus Leo papa, et omnes deinceps ejus successores perpetuo anathe-
l.6-mate damnaverunt. Pȩnitens igitur preteritorum excessuum meorum, et confidens ejusdem abbatis successorumque ejus industria eandem abbatiam Sancti MARTIALIS, ad regularem trami-
l.7-tem posse reduci, et detestabilem heresim symoniacam Deo adjuvante funditus expelli, dono et trado prȩdictam abbatiam prefato HUGONI abbati omnibusque
l.8 successoribus ejus abbatibus, regulariter viventibus deinceps perpetuo possidendam, et abbates quos eidem loco tam ipse quam successores ejus prefecerint, si quod absit, pro ma-
l.9-la conversatione removendi fuerint, ipse et successores ejus eos submoveant, et meliores substituant absque contradictione ullius hominis, nihil in eadem abbatia
l.10 neque ego neque successores mei retinendo, exceptis his consuetudinibus, CC solidis ad vindemiam colligendam, in festivitate sancti Aredii reddendis, et sagmario
l.11 in hostem prestando cum famulo, qui sagmarius hoste transacta monasterio reddatur, et uno recepto comitis Pictavensis, per jussionem vicecomitis, et justicia
l.12 panis et vini cum in hanc villam venerit. Eo tenore ut hanc donationem et traditionem omnes successores mei confirment, et hanc ipsam kartam laudent et
l.13 auctorizent, et hȩc traditio nostra ut stabilis et inconvulsa permaneat, apostolica auctoritate firmetur. Quod si ego, aut successorum meorum aliquis hanc
l.14 traditionem infrigere aut contradicere voluerit, iram Dei omnipotentis, et anathema perpetuum incurrat, et prefatus Hugo abbas, et successores ejus, apud ejusdem
l.15 civitatis episcopum, et omnes cristianos, et precipue apud sedem apostolicam, potestatem habeat reclamandi.
l.16 Facta est autem hȩc traditio in urbe eadem Lemovicensi, anno incarnationis dominicȩ MLXII, indictione XV, regnante Philippo Francorum rege anno
l.17 II, cujus traditionis confirmatores et consignatores et testes hi sunt : in primis Iterius, episcopus signavit, Ademarus vicecomes signavit, cum IIIIor filiis suis
l.18 et uxor ejus Umberga.

Notes

1

Bibliographie

BERNARD (Auguste), BRUEL (Alexandre), Recueil des chartes de l'abbaye de Cluny, Paris : Imprimerie Nationale, 1876-1896, 6 vol., t. 4, p. 479-480, n° 3383.

Responsable

M.-J. Gasse

Comment citer cette notice

Acte n°2623 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°2623»[En ligne] http://www.cn-telma.fr/originaux/charte2623/. Date de mise à jour : 29/03/12.