Bernard, chevalier, et Emma, son épouse, engagent à l'abbaye de Cluny une terre située dans la villa Bugserias, en garantie d'un prêt de 200 sous.

l.1 Placuit atque convenit inter domnum Odilonem, abbatem et congregationem SANCTI PETRI
l.2 atque ab alia parte Bernardi secundum seculi dignitatem viri clarissimi, ut causa cautionis
l.3 ipse Bernardus terram quam videtur abere in villa que vocatur Bugserias daret sancto Petro
l.4 atque servientibus, sibi dato pretio a monachis Cluniensis coenobii hoc est ducentos
l.5 solidos : in tali namque ratione ut quamdiu ipse Bernardus solidos supradictos tenuerit,
l.6 monachi SANCTI PETRI terram supradictam teneant ac possideant ; et quando ipsum pretium
l.7 reddere ei placuerit, ad ipsum Bernardum terra ipsa revertatur. Sin autem reddere
l.8 precium noluerit, monachi supradicti teneant ac possideant.
l.9 Signum Bernardi militis et uxoris ejus Emme qui hanc cartam fieri ac firmare rogaverunt.
l.10 Signum Huberti. Signum Rotberti. Signum Bernardi. Signum Engelelmi. Facta est haec conventio regnante
l.11 Rotberto rege Francorum ANNO Vto. Benedictus levita scripsit vice cancellarii.

1