Ramnulfus et Pierre, son frère, donnent à l'abbaye de Cluny la forêt et la terre de Podio Corticensi et divers autres biens.

l.1 Notum sit cunctis presentis temporis et futuri, quod ego Rannulfus, recordans sententiae dicentis : Facite vobis amicos de mammona ini-
l.2-quitatis ; et iterum : Divitiae viri redemptio animȩ ejus, ob salutem animae meȩ, omniumque parentum meorum, dono et offero Deo ac sanctis apostolis
l.3 ipsius PETRO ET PAULO Cluniacensibusque fratribus ab ipsis absque ulla calumpnia vel consuetudine jure perpetuo retinendum et possidendum,
l.4 silvam et terram de Podio Corticensi sicut aqua nomine Valosa currit, et pratum desubtus Belplan dictum Grande Pratum, et medietatem campi de Cusellis,
l.5 ac campum de Craviellis, alterumque ad salicem ubi fons est similiter in Craviellis. Tali etiam tenore, ego Petrus frater ipsius Rannulfi, omnem meum
l.6 honorem, hoc est boscum, campos, terram et prata, excepto campo de Graverieh quem dono Stephano nepoti meo, ut hoc donum quod facio laudet
l.7 et excepta vercheria ad Corcein quam quandiu vixero tenebo ; sed post discessum meum modo quo superiora dono. Signum Rannulfi qui hoc donum
l.8 primus fecit, et FRATRIS ejus PETRI, ac filii sui Stephani. Signum Rannaldi de Soloniaco. Signum Raimberti bastardi.

1