Sigibaldus, prêtre, donne à l'abbaye de Cluny une vigne dite A Pererio Rosset et d'autres biens situés dans la villa Visandono, dans le pagus de Mâcon, sous réserve de jouissance viagère.

l.1 Sacrosanctae Dei ecclesiȩ in honore beatorum apostolorum
l.2 Petri et Pauli dedicate que dicitur Cluniaco, cui
l.3 preest domnus Odilo abba. Ego igitur Sicbaldus,
l.4 presbiter, reminiscens pondus peccatorum meorum
l.5 dono Deo et sanctis apostolis ejus jamdictis, aliquid ex rebus
l.6 meis que sunt site in pago Matisconense, in villa
l.7 Visandono : hoc est vineam quam vocant A Pererio Rosset,
l.8 et granicam dominica. Terminat ipsa vinea
l.9 a mane terra sancti Vincentii, a medio die terra sancti Petri,
l.10 et Tedbran cum eris, a sero via publica, a certio sancti Fer-
l.11-reoli. Dono etiam in ipsa villa unam petiolam de vinea.
l.12 Terminat ipsa petiola, a mane terra Herigii cum heris, a medio
l.13 communi sanctorum et francorum, a sero Tedbran, a certio via
l.14 publica. Dono etiam in ipsa villa petiolam de campo quam vocant
l.15 Ad Murcellum. Terminat ipsa petiola a mane muro manu-
l.16-facto, a medio die, Grimart cum eris, a sero Grifoni,
l.17 a certio via publica. Dono pro animae meȩ remedio
l.18 ut Dominus in futuro seculo nobis dignetur esse propitius. Dono
l.19 in tali tenore, ut quandiu vixero teneam et possideam,
l.20 post meum obitum ad jamdictum locum perveniat ; in vestitura omni
l.21 tempore, duos sextarios de vino persolvam. Actum Cluniaci publice.
l.22 Signum Sicbaldi presbiteri qui hanc donationem fieri et firmare rogavit.
l.23 Signum Humbert. Signum Vuitbert.
l.24 Data mense julio, regnante Hugone rege anno VII.
l.25 Evrardus levita scripsit.

1