Baudri, évêque de Noyon, notifie la donation de Courcelles-sur-Oise en faveur de l'abbaye Saint-Barthélemy de Noyon, effectuée par Hugues, fils de Genscelinus, contre un cens de dix deniers.

l.1 [croix] IN NOMINE PATRIS ET FILII ET SPIRITUS SANCTI, EGO BALDRICUS, DEI GRATIA NOVIOMENSIUM
l.2 episcopus, ecclesiȩ nostrȩ filiis presentibus et futuris. Cum laudabilem predecessorum nostrorum providentiam ȩcclesiarum pauper-
l.3-tatibus pastoralis dignitatis assensu largaque sustentatione noverimus subvenisse, nos illorum exemplis
l.4 informari debemus, ut si non magnis actibus illas possumus sublimare, saltem bona voluntate bonaque
l.5 intentione in quantum pastoralis administrat cura studeamus illarum instaurationi proficere.
l.6 Noverit siquidem presens etas et futura, quod Hugo Genscelini filius Curcellas apud Isaram cum omnibus
l.7 apenditiis quȩ illic de domina Mathilde et Rogero tenebat sancto Bartolomeo et canonicis in eadem
l.8 ȩcclesia Deo servientibus censualiter perpetuo concesserit, tali tenore ut unoquoque anno pro censu X
l.9 denariorum solidos mediam partem in festivitate omnium sanctorum, alteram vero in nativitate sancti Johannis
l.10 Baptistȩ illi persolverent, et sic omnia quȩ ad censum pertinebant ab aliis consuetudinibus libera
l.11 ab illo et futuris heredibus habere deberent. Si vero aliquando persolvendi terminum aliquo
l.12 casu dederint oblivioni, et legem pro censu a canonicis accipere voluerit, duos solidos denariorum
l.13 ab illis ipse sive successor illius habebit, nec amplius ab illis exigere poterit. Ut autem hȩc deno-
l.14-minata conventio stabilis et firma permaneat, quia benefitium illud ad nos pertinet, in nostri
l.15 presentia idem Hugo, domina Mathilde et Rogero laudantibus et ut assensu nostro corroborare-
l.16-mus rogantibus, quod concesserat confirmavit, ac litteris et sigillo nostro hujus pacti soliditatem
l.17 ne successorum suorum posset corrumpi violentia, sub anathematis etiam interpositione confirma-
l.18-ri petiit. Nos igitur illorum petitione suscepta, sub constituto censu beneficium illud Sancti
l.19 Bartolomei ȩcclesiȩ ut perpetuo habeat concessimus, et ne quis ei inde injuriam faciat sub
l.20 anathemate prohibuimus, atque subscriptorum testimonio confirmari fecimus.
l.21 Signum Fulconis Rufi. Signum Ingranni Haterel. Signum Tomȩ fratris ejus. Signum Hescelini de Merlo Monte. Signum Wiberti
l.22 Perset. Signum Landrici Pulcin. Signum Rotberti Cordubanarii. Signum Raineri carpentarii. Signum Goisberti. Signum Balduini.
l.23 Actum anno dominicȩ incarnationis MCoIIIIto, indictione XII, regnante rege Philippo, episcopante domno Baldrico.
l.24 Hȩc eadem traditio in sequenti anno, VI kalendas martii, nostra in presentia, nostra in camera iterum innovata
l.25 et recognita atque confirmata est, his presentibus: Gerardo archidiacono, Widone cancellario, Roricone prepo-
l.26-sito, Petro cantore, Landrico, Hugone, Petro, Odone, Ingebrando presbitero, Henrico abbate, Desiderio.
l.27 Laicis: Widone castellano, Lamberto Teoderici filio, Gerrico fratre ejus, Fulcone Rufo, Radbodo Sansonis filio, Hugone
l.28 Normando, Albrico Raineri filio, Ingranno Haterel, Johanne parvo, Johanne de Froholdi Monte, Tetfrido,
l.29 Teszone marescalco, Ingranno majore, Landrico, Johanne Belotin, Rotberto Isenbardi filio. Ipso eodem Hugone
l.30 presente et assentiente et manu propria nobis omnibus videntibus iterum donum
l.31 inde faciente domno Bernardo Sancti Bartolomei abbati [sceau].

1

PONTHIEUX (A.), Histoire de l'abbaye de Saint-Barthélemy de Noyon, in Comptes-rendus et Mémoires du Comité archéologique et historique de Noyon, 19 (1903-1904), p. 1-34, p. 27-28, n° 3.

GUYOTJEANNIN (Olivier), Episcopus et comes. Affirmation et déclin de la seigneurie épiscopale au Nord du royaume de France (Beauvais-Noyon, Xe - début XIIIe siècle), Genève-Paris, 1987 (Mémoires et documents publiés par la société de l’Ecole des Chartes, 30), p. 201 et n° 160.