Gimo et Widrada, son épouse, donnent à l'abbaye de Cluny la moitié de l'église Sancti Projecti située dans le Forez, sous réserve de jouissance viagère.

l.1 Dominus hac redemptor humani generis previdens salutem fidelium suorum hoc genus remedii contulit gratuito munere, ut
l.2 ex rebus quas jure possident aeternam et sine fine mansuram si eas bene dispertiant valeant promereri. Quapropter ego,
l.3 in Dei nomine, Gymmo et uxor mea Guidrada donamus Deo et sanctis apostolis ejus Petro et Paulo et ad locum Cluniensis coenobii
l.4 ubi domnus Maiolus preesse abbas videtur, aliquid de rebus nostris quȩ site sunt in pago Forensis. Hoc est ecclesia quȩ est
l.5 in honore sancti Projecti martyris medietatem, in tale tenore ut quamdiu vixero ego Gymmo teneam et possideam
l.6 et post meum discessum ad locum Cluniensis revertatur, et omni anno in vestitura in sollempnitate sancti Petri sex denarios
l.7 persolvam, et in tali tenore ut monachi Cluniensis nostrum locum et societatem in ipso monasterio donent et me
l.8 et meam uxorem. Si quis autem donationem istam calumpniare vel contradicere voluerit, primitus iram omnipotentis
l.9 incurrat et sanctorum apostolorum, et cum Dathan et Abiron quos vivos terra absorbuit, partem et societatem habeat in in-
l.10-ferno, ipse autem non valeat vindicare quod petit, sed insuper cui litem intulerit, auri libras quinque componat
l.11 et inantea firma et stabilis donatio ista permaneat cum stipulatione subnixa.
l.12 Signum Gymonis et uxoris sue Guidrada qui fieri et firmare rogavit. Signum Duranni nepotis ejus.
l.13 Signum Rotlanni. Signum Alexandrȩ. Signum Aygleri. Signum Raymberti.
l.14 Data per manum Randuini anno XXVIIII Cohunradi regis.
l.15 Ego Gymmo dono Deo et sancto Petro istam hereditatem pro anima patris mei et matris meȩ et omnium parentum meorum.

1