Hubert, prévôt de Saint-Vincent de Mâcon, donne à l'abbaye de Cluny, un manse situé dans la villa Ayonna, dans le pagus de Mâcon, sous réserve d'usufruit.

l.1 [chrisme] Divina pietate largiente legumque auctoritate concedente sanctitum est ut liberam erogandi potestatem habere debeat si quis Deo sanctisque ejus aliquid de proprio jure delegare
l.2 ac tradere sponte voluerit. Quapropter ego, in Dei nomine, Hubertus, sanctae Maticens eclesiae praepositus, venturi judicii examen praecavens praesentisque seculi crebrescentes ruinas
l.3 pertimescens, divina pietate conpunctus, pro meorum remissione peccatorum seu genitorum patris mei videlicet Hanscherii ac matris Engelas vel omnium parentorum meorum
l.4 atque omnium fidelium Christianorum, dono aliquid de jure meae proprietatis Cluniaco monasterio, quod est in pago Matisconense situm, in honore Dei ac beatorum apostolorum Petri
l.5 et Pauli consecratum, cui domnus Heymardus venerabilis abba praeesse videtur : hoc est mansum indominicatum, qui est situs in pago Matisconense, in agro Eburiacense, in villa quȩ dicitur
l.6 AYONNA. Terminatur vero ipse mansus a mane terra sancti Vincentii et Raymodis, a medio die terra sancti Andreae, a cercio via publica, a sero item Raymodis.
l.7 Infra istas terminationes totum et ad integrum et quicquid in ipsa villa habeo tam de hereditate quam etiam de conquisto dono jam praelibato coenobio ea scilicet ratione
l.8 ut, quandi Deo tribuente advixero, usu fructuario teneam, ac singulis annis censuali revestitione duos modios inter panem et vinum festivitate beati beati Martini
l.9 rectoribus ejusdem loci persolvam. Post discessum quoque meum ad praefatum locum sine alicujus interpellatione revertatur. Si quis vero, quod futurum esse
l.10 minime credo, si ego ipse, quod absit, aut ullus de heredibus meis seu ulla opposita persona, contra hanc donationem aliquam calumniam generare presumpserit,
l.11 non vindicet quod repetit sed partibus ejusdem loci cui litem intulerit, auri libras IIII coactus exsolvat, a liminibus quoque eclesiarum et a consortio Christianorum extra-
l.12-neus habeatur, et haec donatio semper firma permaneat stipulatione adnixa. Hubertus qui fieri et firmare rogavi [subscripsit]. [signum] Johannes qui consensit.
l.13 Signum Rannaldi. Signum Anscherii. Signum Gyrberti. Signum Gyraldi.
l.14 Signum Maimgaudi. Signum Acbranni. Signum Rotlanni. Signum Vulfrardi. Signum Odonis. Signum Marlencii.
l.15 DATA MENSE APRILI, ANNO XV REGNANTE LUDUVICO REGE. CLEMENS AD VICEM CANCELLARII SCRIPSIT.

1