Adélard, seigneur d'Auneuil, donne à l'abbaye de Marmoutier l'église Notre-Dame d'Auneuil et d'autres biens.

l.1 Conditor noster et reparator Deus inter multimoda preceptorum suorum documenta, exemplo suo justis petitionibus presto esse nos debere instruens, nulli petenti
l.2 quod justum est prȩcipit denegare. Cujus precepto tanto devotius nos expedit oboedire, quanto majora quam cȩteri ab ipso videmur possidere. Unde ego
l.3 ADELARDUS homo seculari militiȩ mancipatus divino instinctu animatus, ipsi largitori omnium bonorum, aliquid ex his quȩ ab eo temporaliter ac-
l.4-cepi, per manus pauperum offerre decrevi. Quod ut probabilius fieri possit, illud egregium pauperum genus elegi, ad hoc faciendum, quod ut
l.5 liberius expeditiusque Deo serviret, propriis abrenuntians facultatibus, voluntariam subiit paupertatem. Sciant igitur omnes prȩsentes et futuri, ad quorum
l.6 notitiam hujus nostri scripti series poterit pervenire, cum voluntate et assensu mee conjugis BELITIȨ, necnon et filii mei JOHANNIS et filiȩ COMITISSȨ, donasse me
l.7 fratribus his qui in Turonensi coenobio quod Majus Monasterium dicitur omnipotenti Deo pro posse sub BARTHOLOMEO abbate famulantur, quendam locum,
l.8 hereditario jure michi contingentem, in honorem sanctȩ MARIȨ constructum, cum omnibus sibi subjectis rebus quas contuli, vel quas deinceps per me vel per alios
l.9 in jus ipsius loci divina pietas transferre voluerit, quatinus eorum orationibus adjuti qui helemosinis divinȩ majestati placuerunt, mereamur adjungi consortio.
l.10 Ut autem quantitatis sive integritatis earundem rerum quȩ pertinent ad prȩdictum locum omnis propellatur ambiguitas, eorum nomina subter scribere curavimus.
l.11 Do ego ȩcclesiam Sanctȩ Mariȩ de Anedoil sancto Martino, dimidium decimȩ in vita mea, post obitum totam, quietam ab omni consuetudine, excepto duobus solidis de circuitione.
l.12 Meam domum, cum dimidia curia mea. Simili quoque modo, concedo terram unius carrucȩ omnibus sideribus. Similiter de silva mea do his in predicta villa, quȩ opus fuerint.
l.13 Huic dono, placuit michi adicere alia, duos servos hospites, cum suo censu, et duos liberos. Igitur eodem beneficientiȩ munere, concedo vivarium unum, apud
l.14 villam quȩ vocatur Fredincurta cum particula terrȩ non adhuc cognita. Additur etiam his ȩcclesia Gerboldi, cum omnibus ȩcclesiȩ pertinentibus, vivarium quoque unum.
l.15 Prȩterea quicquid intra fines possessionis meȩ aut dono aut pecunia adquirere sibi potuerint, predicti fratres sine ulla mea vel heredis mei calumnia adquirant, habe-
l.16-ant, et teneant. Quȩ omnia sicut sunt per ordinem narrationis singulatim distincta, libera et quieta ab omni consuetudine exactionis vel vicariȩ seu ceterorum vectigalium
l.17 sine ulla mea vel cujusquam successorum meorum contradictione, supradictȩ congregationi suisque successoribus cum abbatibus qui eis pro tempore prȩerunt, liceat jure perpetuo
l.18 possidere. Et quicquid inde agendum [d...nt], liberam potestatem habeant faciendi, ordinandi, tam presentibus quam futuris temporibus. Facta sunt hȩc dona in predicta villa
l.19 concedente episcopo Belvacensi Guidone et senioribus, audientibus et videntibus quam plurimis. Quorum nomina pro testibus, huic scripto inseruimus, in crastino festi omnium sanctorum, quar-
l.20-to nonas novembris. Isto pacto dederunt monachi, TETBALDUS, ALBERTUS, JOHANNI FILIO ADELARDI dimidium marcum argenti, et filiȩ suȩ anulum argenteum. Hȩc sunt nomina testium : [colonne1] Signum Radulfi Belvacensis. Signum Petri fratris ejus. Signum Odonis oppidani. Signum Odonis. Signum Aldemari clerici. Signum Goscelini de Buscamp. [colonne2] Signum Rotberti. Signum Hamelini presbiteri. Signum Raszonis. Signum Gualterii de Anedoil. Signum Osmundi. Signum Ursonis. Signum Gualterii. [colonne3] Signum Rainerii. Signum Drogonis. Signum Gualteri cocci. Signum Ricardi equitis. Signum Rogerici.

1

DELADREUE (L.-E.), Auneuil, notice historique et archéologique, dans Mémoires de la société académique de l'Oise, 9 (1874), p. 388-480, p. 471-472, n° 1.

GUYOTJEANNIN (Olivier), Episcopus et comes. Affirmation et déclin de la seigneurie épiscopale au Nord du royaume de France (Beauvais-Noyon, Xe - début XIIIe siècle), Genève-Paris, 1987 (Mémoires et documents publiés par la société de l’Ecole des Chartes, 30), p. 107, n° 179.