Gausbert donne plusieurs manses à l'abbaye Saint-Maximin de Trèves et reçoit plusieurs biens en précaire.

l.1 Cunctorum prudentium industriȩ liquido patet, quod de temporalibus beneficiis praemia mercantur aeterna et de rebus transitoriis
l.2 adquiri possunt lucra sine fine mansura. Quod Gozbertus vir illustris diligenter mente pertractans pro sempiternis remediis adquirendis
l.3 necnon pro praesentis vitae commodis quandam portionem suarum rerum ad monasterium Sancti Maximini et ad ministerium portȩ sup prȩtextu
l.4 praecariae statuit delegare. Qui cum suae dispositionis voluntatem fratribus indicasset, miserunt Bodonem et Moterum, Gainardum et Vuigericum,
l.5 ut utrumque superviderent, quod dare et quod accipere volebat. Qui diligenter utrisque partibus praevisis, cum fratribus renuntiassent, per eorum omnium
l.6 consensum et collaudamentum statuerunt illius petitioni annuere. Dedit igitur prȩfatus Gozbertus legali traditione ad monasterium
l.7 Domni Sancti Maximini et ut dictum est ad ministerium portȩ mansum I in villa et marca Callidi quem tenet Liudovuinus servus ipsius.
l.8 Et in alio loco inter Ruverum et Cuningesbach, ubi simul conveniunt, mansum indominicatum cum aedificiis suprapositis et omnibus illius
l.9 adjacenciis et mancipiis VII, Fredechone videlicet, et Vuerinza uxore ejus, et infantibus eorum IIIIor. Et inter duos rivos qui vocantur
l.10 Polinbach mansum I. Et ad Fermari rivum, mansum I.
l.11 Accepit autem econtra per legitimam et firmissimam traditionem de potestate beati Maximini et de ministerio porteriȩ jure praecario
l.12 mansos VI serviles in villa subterioris Callidi, et marca ipsius vocabuli cum omnibus eorum appendiciis et cunctis mancipiis de potestate
l.13 illius ibidem residentibus. Ea nimirum ratione atque condicione ut per praecariam idem Gozbertus omnibus vitae suae diebus, et post
l.14 illum filius ejus Gozpertus, et Bodo praepositus, utrumque datum scilicet et acceptum ab hodierna die inposterum usu fructuario teneant et cum omni
l.15 libertate atque securitate illarum rerum omnimodis usibus secundum propriam dispositionem pociantur. Post illorum vero dicessum omnes res
l.16 ambarum partium absque ullius diminucionis detrimento immo cum meliorationis integritate ad partem sancti Maximini et ad ministerium
l.17 portariae sine aliqua cujuspiam personae contradictione redeant et in ejus dominationis jure perpetua stabilitate consistant cum stipulatione subnixa. [colonne1] [croix] Signum Bodonis praepositi. Signum Motarii camberarii. Signum Vuolflaici decani. Signum Rotberti portarii. Signum Bonefacii ministerialis fratrum. Signum Gainardi, susceptoris pauperum. Signum Madelonis diaconi. Signum Asulfi. [colonne2] Signum Vuigerici diaconi. Signum Norperti presbiteri. Signum Tietgaudi, presbiteri. Signum Godeberti. Signum Heriberti. Signum Nantelmi. Signum Adelberti. Signum Vuenidonis. [colonne3] Signum Volmari advocati, per cujus manum traditio haec facta fuisse dinoscitur. Signum Gozberti. Signum Rorici. Signum Ostarii. Signum Heribrandi. Signum Gozperti junioris. Signum item Gozberti. [colonne4] Signum Vuamberti
l.18 Vogo cancellarius scripsit et supscripsit.
l.19 Actum Treveris anno dominicȩ incarnationis DCCCCXXIII, anno vero domni Karoli gloriosi regis XII, in regno
l.20 quondam Lottharii indictione XI, in mense junio.

1