Paris, BNF, coll. de Lorraine t. 971 n° 3

<< < / > >>

Numéro2474

Fiabilité de l'actenon suspecté

Genrecharte

Date1120(fiabilité :étude diplomatique)

Lieunon identifié

DiocèseMetz

RégionLorraine

Supportparchemin

Chirographienon

Sceau non scellé

Etat de la traditionoriginal

Hauteur à gauche680   mm

Hauteur à droite675   mm

Largeur en haut430   mm

Largeur en bas425   mm

AuteurH., abbesse  de  SAINTE-MARIE-AUX-NONNAINS  de  METZ

BénéficiaireAbbaye  de  SAINTE-MARIE-AUX-NONNAINS  de  METZ

Regeste

H., abbesse [de Sainte-Marie-aux-Nonnains de Metz], et E., prévôt de cette église, dresse la liste des cens et des droits dépendant de leur église.

Texte

l.1 IN NOMINE SANCTE ET INDIVIDUE TRINITATIS. H., ABBATISSA, ET E., ECCLESIE BEATE MARIE PREPOSITUS, PRESENTIBUS ET FUTURIS IN PERPETUUM. Quoniam per successionem temporum et per humanȩ naturȩ defectum, quȩ hodie
l.2 noverit memoriter et ad plenum retinere non valentem, maxime cum versutia hominum rebus ecclesiasticis, si quid in eis sibi displiceat, detrimentum inferre non timeat, reditus ecclesiarum Dei decrescunt et
l.3 minuuntur, census et cetera jura villarum ad ecclesiam nostram pertinentium per scripta memoriȩ commendari utile existimavimus. Quicumque igitur in villa de Sulinei quartam partem mansi que vulgo
l.4 quarterius dicitur possidet, ad natale Domini unum denarium et unum sistarium avenȩ ecclesiȩ nostrȩ debet persolvere, ad Pascha tres obolos, in medio maio V denarios, ad festum sancti Johannis I denarium
l.5 pro scindulis et tres obolos pro falce, in medio augusto novem denarios, ad festum sancti Remigii, pro dominica vinea de Arey vindemianda, IIos denarios. Cum prata secantur, duas carratas dominici feni in orreo
l.6 quod in predicta villa habemus et unam in orreo nostro Mettense debet ducere. Quicumque etiam de terra predictȩ villȩ investitus fuerit, terre quam tenebit parvitate vel magnitudine non considerata,
l.7 uno anno duas quartas frumenti debet, et in alio non debet. Hic etiam notandum est quod anno illo quo predictum frumentum solvetur, gallina una quae in alio anno ad festum sancti Martini debet persolvi,
l.8 minime dabitur. Debet etiam ad Pascha tria ova. Quicumque quarterium tenet, in tempore quo frumentum seminatur, dimidiam partem dimidii jurnalis dominicȩ terrȩ quod ipse araverit et de proprio
l.9 seminaverit, fructus accipiet et aliam partem ecclesiȩ nostrȩ prebebit; et si, boves habens, non araverit nec seminaverit, quantum in dimidio jurnali adjacenti capietur, tantum ecclesiȩ restaurabit.
l.10 Idem in satione avenȩ fiet, nisi quod tantum a nolente arare sistarius avene restaurabitur, et si boves non habeat, solus nummus. Debet etiam in medio martio ad opus vineȩ de Arey XX pondera
l.11 paxillorum incidere, quod si nequeat, nummum solvet. Preterea ad festum sancti Johannis XVI solidi et obolus et XII nummi de duobus furnis, et tres solidi de uno manso ecclesiȩ nostrȩ
l.12 proveniunt. Villicus ejusdem villȩ in Assumptione Sanctȩ Mariȩ debet abbatissȩ XII nummos et panem de una quarta frumenti et duos anseres et VIIII nummos familiȩ suȩ et obolum
l.13 janitori, ad natale Domini tantumdem et insuper porcum de duobus solidis, et ad festum sancti Johannis unum multonem de XII denariis. Villicus autem ille decimationem et omnia capitalia dimidii
l.14 mansi et decimas unius hominis ad Loivillam debet habere. In villa Pruniaci habet ecclesia nostra XXXta III quarterios terrȩ, de quibus quicumque tenet unum debet ecclesiȩ nostrȩ
l.15 in Assumptione Sanctȩ Mariȩ VIIII nummos, et ad festum sancti Remigii VIIII, in medio maio I, ad festum sancti Martini I et I panem et I sistarium avenȩ et I gallinam et dimidiam carratam
l.16 lignorum. VIIIto tamen inde excipiuntur, de quibus qui tenet unum ligna non debet, ad festum vero sancti Remigii duos sistarios et dimidium frumenti et tantumdem siliginis debet,
l.17 et quando avena seminatur V sistarios avene debet, tertio autem anno istius annone nichil debet, et quicumque investitus est de illis octo quarteriis sarculum et falcem et furcam
l.18 et in angariis nostris metere debet. Summa autem censuum quarteriorum sunt quinquaginta solidi. Habet etiam in eadem villa ecclesia nostra de parvo censu VI solidos et VII nummos.
l.19 Triginta quarterios ad Orcevas habet, de quibus unum qui tenet, ad festum sancti Martini I nummum et unam gallinam debet. Sunt etiam in eadem villa VIIIto mansi, de quibus qui
l.20 tenet unum ad natale Domini tres obolos de verberatione, ad Pascha I nummum de lumine debet. In villa Sancti Georgii ecclesia nostra X quarterios habet et quartam partem quarterii,
l.21 de quibus quatuor singuli in medio maio V nummos debent, et de aliis sex unusquisque in medio maio duos nummos et obolum, et in Assumptione Sanctȩ Mariȩ tantumdem debet,
l.22 et unusquisque quarterius pro scindulis ad festum sancti Johannis et duos nummos de engeria debet, ad natale Domini I nummum, in medio februario I obolum. Quicumque de terra
l.23 ista investitus est, in medio maio tres obolos et I panem et ad festum sancti Martini tantumdem et insuper sistarium avenȩ debet. In eadem villa ad Pascha V gallinȩ et XX
l.24 ova et ad festum sancti Johannis octodecim nummi nobis debentur, et ad festum sancti Martini duo. Quicumque investitus est de quarterio et qui manet
l.25 in censali, debet falcem et furcam; debet etiam ducere dominicum fenum in dominico orreo in ipsa villa. Quicumque investitus est de quarterio, in angariis nostris
l.26 una die quando frumentum et una die quando avena metetur debet metere. Qui in censali manet etiam una die tantummodo debet metere. Unusquisque
l.27 quarterius ad claustrum tres quartas annonȩ debet ducere. Quicumque investitus est de quarterio, ter in anno tribus diebus, cum quotquot bobus habuerit,
l.28 in angariis nostris debet ire. Qui in censali manet, sola die in singulis sationibus. Qui investitus est, si boves non habeat, per annum tres nummos de quarterio debet.
l.29 Unusquisque quarterius habet tres anzangas, quarum qui seminaverit dimidiam partem fructus accipiet, et si ille cui committentur non araverit,
l.30 quantum in adjacenti capietur, restaurabit. Villicus ejusdem ville in medio augusto abbatisse XXI nummum et obolum et duos anseres et sex panes, ad natale
l.31 Domini tantumdem et insuper porcum de XII nummis debet. Si in villa abbatissa venerit, villicus prima nocte debet ei servire; in crastinum de lucro placiti vel
l.32 de capitali nostro vivemus. Villicus decimationem suam suam et decimationem unius mansi, qui tamen in banno nostro non jacet, pro feodo suo debet habere.
l.33 Ad festum sancti Remigii villa de Arey reddit ecclesiȩ nostrȩ hos rectos census: XII solidos, IIII denarios; VIII solidi sunt duo denarii minus de servitio, duo
l.34 solidi de circulis. De trecensu XXX denarios, ad festum sancti Martini, ad natale Domini et ad Pascha. In his tribus annalibus festis VII solidos de lignis. In martio vero
l.35 XIIII solidos ad culturas vinearum de rectis noctibus et XXXVI pullos, unicuique V ova, et in medio maio VIII solidos duo denarii minus de servitio, et in festo sancti
l.36 Johannis XXVIII denarios pro tegulis. Ad festum sancti Remigii quadraginta mensuras avenȩ et totidem panes frumenti et quinque pullos. Ad Villicer jacet unus campus
l.37 qui debet VI denarios ad festum sancti Johannis; inde villicus ad festum sancti Petri abbatissȩ servit. Eadem villa debet in uno anno IX carratas vini de recto censu tribus
l.38 modiis minus et dimidio et insequenti anno XI carratas XII sextariis minus. Illud vinum debent ipsi mansorum possessores deducere in vasis suis ad curiam nostram.
l.39 Nos autem in torculari nostro vasa nostra, in quibus illud vinum suscipietur, habere debemus, quod postquam a predictis ad claustrum adducetur, ad festum sancti Martini inde
l.40 XII sextarios debent suscipere. In eadem villa de Aeri LII quartaria terre habet Sancta Maria. In uno anno quartarium debet II modios vini et IIIIor sextaria de recto censu, et in altero anno quartarium
l.41 debet modium vini et dimidium et IIII sextaria. Major villicus Sancte Marie et decanus istorum LIIorum quartariorum debent accipere pro suo servicio tria quartaria ejusdem terre. Et idem villicus et decanus debent XXVII denarios
l.42 et obolum in festivitate sancte Marie medii augusti et duos anseres et VI panes tritici. Et idem villicus et decanus in festo sancti Stephani ad natale Domini debent XXVII denarios et obolum et unum porcum et VI panes tritici.

Responsable

M.-J. Gasse

Comment citer cette notice

Acte n°2474 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°2474»[En ligne] http://www.cn-telma.fr/originaux/charte2474/. Date de mise à jour : 29/03/12.