Calixte II, pape, donne l'église Saint-Pierre-sur-Mer à l'abbaye de La Grasse.

l.1 CALIXTUS, EPISCOPUS, SERVUS SERVORUM DEI, DILECTO FILIO BERENGARIO, CRASSENSIS MONASTERII ABBATI, SALUTEM ET APOSTOLICAM BENEDICTIONEM.
l.2 Et justitiȩ ratio, et rationis ordo nos admonet et compellit, ecclesiarum destitutioni paterna sollicitudine providere, illarum maxime quȩ specia-
l.3-liter ad sedem videntur apostolicam pertinere. Siquidem Beati Petri de Valeriis ecclesia quȩ sancte Romanȩ ecclesiȩ juris est, interius exteriusque attrita, et tam
l.4 in spiritualibus quam etiam in temporalibus plurimum diminuta est. Eapropter nos loco eidem affectione debita providentes, tibi dilecte in Christo fili
l.5 Berengari abbas, tuisque successoribus sub censu annuo duorum aureorum regendum disponendumque committimus, cum omnibus ad ipsum
l.6 pertinentibus, et cum omni libertate atque immunitate quam ei dominus predecessor noster sanctȩ memoriȩ
l.7 PASCHALIS papa per privilegii sui paginam concessisse dignoscitur, quandiu videlicet vos apostolicȩ sedis communionem et
l.8 gratiam habueritis, et in monasterio vestro monastici ordinis disciplina domino prestante viguerit. Confidimus
l.9 enim de omnipotentis Dei misericordia et religione vestra, quia per industriam vestram locus ille in religi-
l.10-onis statum reduci, et in temporalibus etiam debeat per Dei gratiam augmentari. Vestra igitur interest, et
l.11 in Romanȩ deinceps ecclesiȩ obedientia et servitio devotius et enixius permanere, et de loci ipsius incremento ita sollicitu-
l.12-dinem gerere, ut largiente Deo hac semper habeamini gratia digniores. Si qua sane persona temere, quod absit,
l.13 nostrȩ huic commissioni obviare temptaverit, honoris et officii sui periculum patiatur, aut excommunicationis ulti-
l.14-one plectatur, nisi presumptionem suam digna satisfactione correxerit.
l.15 Ego Calixtus catholicȩ ecclesie episcopus [subscripsi].
l.16 [croix] Ego Johannes presbiter cardinalis de titulo Sancti Grisogoni [subscripsi]. [croix] Ego Petrus diaconus cardinalis Sanctorum Cosme et Damiani [subscripsi].
l.17 Datum apud Sanctum Theodardum per manum GRISOGONI sanctȩ Romanȩ ecclesiȩ diaconi cardinalis ac bibliothecarii, XIII kalendas AUGUSTI,
l.18 indictione XIIa, dominicȩ incarnationis anno MoCoXXo, pontificatus autem domni CALIXTI secundi pape anno PRIMO.
l.19 [sceau].

L'identification de Saint-Pierre de "Valeriis" avec Saint-Pierre-sur-Mer vient de E. Magnou-Nortier et A.-M. Magnou, "contra" U. Robert et C. Pailhès qui l'identifie avec Saint-Pierre de Valras. 1

JAFFE-LOEWENFELD, n° 6719.

BALUZE (E.), Miscellanea, 2 vol., Paris, 1678-1700, t. 2, p. 192-193.

MIGNE (abbé Jacques-Paul), Patrologia Latina 163 (Paschalis II, Gelasius II, Hugo de S. Maria, Guillelmus de Campellis, Lambertus Audomarensis), Paris 1854, col. 1114, n° 23.

ROBERT (Ulysse), Bullaire du pape Calixte II : 1119-1124, 2 vol., Paris, 1891, t. 1, p. 58-59, n° 41.

MAGNOU-NORTIER (Elisabeth), MAGNOU (Anne-Marie), Recueil des chartes de l'abbaye de la Grasse, 2 vol., Paris, 1996-2000 (Collection de documents inédits sur l'histoire de France, 24 et 26), t. 1, p. 280-281, n° 207.