Paris, BNF, coll. de Lorraine t. 977 n° 43

<< < / > >>

Numéro2466

Fiabilité de l'actenon suspecté

Genrecharte

Date25/05/1117(fiabilité :édition)

LieuToul(lat :Tulli in generali sinodo)

DiocèseMetz

RégionLorraine

Supportparchemin

Chirographienon

Sceau non déterminable

Etat de la traditionoriginal

Hauteur à gauche750   mm

Largeur en bas530   mm

AuteurRicuin, évêque  de  TOUL

BénéficiaireAbbaye  de  SAINT-VINCENT  de  METZ

Regeste

Ricuin, évêque de Toul, définit et confirme à Landulfe, abbé de Saint-Vincent de Metz, ses droits à Chaligny où l'abbaye possède un prieuré.

Texte

l.1 IN NOMINE PATRIS ET FILII ET SPIRITUS SANCTI. EGO RICUINUS, GRATIA DEI TULLENSIS EPISCOPUS, KARISSIMO FILIO SUO DOMNO LANDULFO, ABBATI METTENSIS AECCLESIAE
l.2 Sancti Vincentii, provectum utriusque vitȩ. Quisquis in ecclesia locum regiminis tenet, quia Christi fungitur vice, debet omnibus se ipsum impendere nec solum commissis invigilare ȩcclesiis sed
l.3 non commissarum quoque profectibus et quieti, si oportunitas occurrerit, prospicere. Hujus rei intuitu, ego Ricuinus, gratia Dei Tullensis episcopus, tibi ac monasterio Sancti
l.4 Vincentii, propter inquietudines quas frequenter patiebatur super ȩcclesia Caliniacensi, quid deinceps juris in ea habeat, quid reposcat, quid sacerdoti cedat,
l.5 scripto presenti consilio ȩcclesiȩ nostrȩ determinavi hoc modo. Nulla persona ad investituram altaris accedat absque tuo successorumque tuorum libero
l.6 consensu et conductu. Hoc modo investitura suscepta, in partem ejus cedat tertia pars dotis ȩcclesiȩ Caliniacensis solummodo, absque dotaliciis capellarum
l.7 quȩ tui juris monasteriique Sancti Vincentii, cui prees, erunt. De decimis vero vini et annonȩ pars quarta, minutȩ etiam decimȩ pars quarta ejus erit,
l.8 in festivitate sancti Remigii Caliniacensis ȩcclesiȩ et Sancti Blasii Caviniacensis et Sancti Gengulfi de Maioron et Sancti Petri de Metciens, de candelis et cera
l.9 tertia pars ȩcclesiȩ, tertia sacerdoti, tertia tibi et monasterio Sancti Vincentii remaneat. Si ad cellam veneris vel si quis deinceps successorum tuorum, presbiter ser-
l.10-viat ei semel in anno una die et una nocte sua expensa, quȩ sufficiat XIIcim hominibus et XII equis. Investituram conductus, si tibi tuoque successori pla-
l.11-cuerit, Mettis in caminata tua successorumque tuorum accipiat ac de divisa tibi ȩcclesiȩque tuȩ parte fidelitatem faciat. Curȩ tuȩ successorumque tuorum
l.12 erit in matri tantum ȩcclesia librum, calicem, sacerdotale vestimentum procurare et corporis ȩcclesiȩ parietes ac tectum restaurare. Cancelli restauratio
l.13 sub cura sacerdotis erit, turris vero ad parrochianos pertineat. Hanc defintionem consilio ȩcclesiȩ nostrȩ ratam, stabilem, inconvulsamque esse volentes,
l.14 sub anathemate confirmamus. Preterea relegentes cartam predecessoris nostri beatȩ memoriȩ domni Brunonis, postea sanctȩ et universalis ȩcclesiȩ Romanȩ
l.15 summi pontificis, quȩ predecessoribus tuis tuoque monasterio ad cellam quȩ dicitur ad Sanctum Vincentium in diocesi nostra infra terminos predictȩ Caliniacensis
l.16 ȩcclesiȩ sitam collata confirmavit, nostra auctoritate roboramus, id est mansum unum, et ambitum atrii sicut continetur in omni usu, et pontem super Mosellam, piscationem
l.17 quoque a Uualdrici molendino usque ad cornu nemoris, et portum Mosellȩ quȩ domnus episcopus Mettensis ȩcclesiȩ Teodericus dedit; preterea quȩ Adon quidam bonȩ memoriȩ
l.18 cum conjuge sua Goduide, cujus devota petitione constructus est idem locus, per manum domini sui predicti episcopi domini Teoderici contulit, id est molendinum
l.19 cum agro et prato et mansum mansionilem, cum vinea que vocatur Gundrici, mansus et vineam al Ham, vineam in Chievestree, vineam ad Vuanein sepem, vineam et duos
l.20 scamellos in costa, vinea in Saceel, vinea ad Vesin, tres scamellos in alterius vineis, et XII jugera terrȩ ad Pyrum, campum inter duas aquas, ad Lapumeroi VIII jugera,
l.21 in Rolandi campo IIIIor, campum in Cumba et unum juger in Masel, tria jugera ad Perruel, VI ad Calcis furnum, in Amion manso tria, et Lo Masel, retro veredarium duo, in
l.22 Checeart duo, ad vadum Mosellȩ duo, in Longis Sulcis duo, in summo Salicti tria, in Casnario duo, ad Rual duo, in Pieces quatuor, ad Laviou duo, ad Bertein Sterp IIo,
l.23 ad Arnulfi fontem duo, ad Lastai de Rameroi Monte duo, ad Bocelein rivum I, ad Geminel I, ad Veterem Callem I, in Rainardi campo I, et Amion campum, in Avelen unum juger,
l.24 ad Rabuet mansum I, ad Sambucum dimidium juger et in Predelles dimidium; item pratum ad Moseinnou et La Leschiere, partem prati ad Magnien Marz, pratum ad Teun Jun-
l.25-chere, pratum in Geminel, pratum in summo Salceel, pratum in Rohe Salcit, pratum in Grant Preit et juxta brolium partem prati; item in Laviou ad Sixe V jugera, ad Gobet tria, al
l.26 Chesnel tria, as Biez I, ad Furcas I, ad Lalbue I, in Labrevere I, al Puis I, ad Seren Buet I, in Pollun termo I, ad Raidel I, inter La Cube et La Grosine I, ad Corilum
l.27 unum, sub semita de Mairon I, ad La Grosine al Chesnel I, ad mansum Arramunt dimidium, quartarium quoque terrȩ quem dedit ad dotem ȩcclesiȩ apud Lusdam piȩ memoriȩ Gombertus,
l.28 ordinem quoque vineȩ in alterius vineis et agrum ad Mainou Concit a Ressende, devota Deo femina, datum et pratum cum agro in Godonis prato quȩ dedit felicis memoriȩ
l.29 Boso; item vineam al Ham quam dederunt Paganus et Richerus ac mater eorum Roscila, et V jugera terrȩ inter duas aquas a Hugone contradita, atque omnem terram quam delega-
l.30-vit Hugo presbiter id est VI jugera ad Vileirs in Bertȩ Sterp et alia VI inter pratum et campum, itemque quam divisit et denominavit moriens, id est tria jugera in sterpe et omnem
l.31 terram tam in prato quam in campo quam emit XXX solidis de suo proprio ab Albrico de Bodonvilla; item juger in Vesin et dimidium juger in alterius vineis quȩ dederunt Albertus
l.32 de Romeroth villa et Richildis uxor ejus, et V jugera inter pratum et campum in Gohe prato a Hugone fideli viro collata, et juger unum inter pratum et campum in Laviou ultra
l.33 Mosellam, dimidiumque juger et unum scamellum vineȩ in Vileir, in vineis quȩ dedit Teodericus. Hȩc, ut supra diximus, tibi tuisque successoribus et ȩcclesiȩ tuȩ, auctorita-
l.34-te beatorum apostolorum Petri et Pauli atque Sancti Stephani et nostra confirmamus et corroboramus sub vinculo anathematis. Hujus nostre definitionis statutique
l.35 idoneos testes duximus subscribendos. [colonne1] [croix] Signum domini Stephani primicerii. [croix] Signum domini Goberti thesaurarii et archidiaconi. [colonne2] [croix] Signum domini Hugonis archidiaconi. [croix] Signum Bernefridi archipresbiteri. [colonne3] [croix] Signum domini Tiescelini archidiaconi. [croix] Signum Fulcheri presbiteri.
l.36 Data Tulli in generali sinodo VIII kalendas junii. Acta vero anno dominicȩ incarnationis MCXVII.

Bibliographie

DOUCHE (Lysiane), Actes de Pibon et de Ricuin, évêques de Toul, de 1069 à 1124, Nancy 2, mémoire de maîtrise, 1985, p. 280-284, n° 86.

Responsable

M.-J. Gasse

Comment citer cette notice

Acte n°2466 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°2466»[En ligne] http://www.cn-telma.fr/originaux/charte2466/. Date de mise à jour : 29/03/12.