Lisiard, évêque de Soissons, rappelle l'assujettissement de Manna de Verberie et de ses descendants, à un cens annuel de quatre deniers par tête, en faveur de l'église de Soissons.

l.1 Sacramentum regis abscondere bonum est, opera autem Dei revelare et confiteri honorificum est. Mirabilem ergo
l.2 Deum in sanctis suis laudemus, ipse dabit virtutem et fortitudinem plebi suȩ, benedictus Deus. Mulier
l.3 quedam ingenua, nomine Manna, ex territorio Verberiensi, incidit in egritudinem gravissimam et incu-
l.4-rabilem. Cum autem sua in medicos expendisset, nec contractionis et debilitatis suȩ potuisset conse-
l.5-qui medicinam, divinitus inspiratum est ei ut se ad principalem et spiritualem matrem transferri face-
l.6-ret, ad aecclesiam videlicet Beatȩ Dei genitricis et sanctorum martyrum Gervasii et Protasii in ur-
l.7-be Suessionensi. Ibi vigiliis, orationibus et pietatis operibus intentam, intra domum Dei diu excubantem
l.8 misericordia Dei respexit, et sanctorum martirum meritis, qui hoc apud Deum sepe impetrare suo sanguine me-
l.9-ruerunt, erecta in stuporem adstantium et laudem Dei et prorsus sanata est. Quanta exultatio et
l.10 vox fidelium omnium, qui viderunt et audierunt, in laudem Dei et sanctȩ genitricis ejus et sanctorum martyrum ejus fuerit
l.11 obsecuta, nobis ineffabile est. Mulier autem illa, in qua tanta [Dei] et sanctorum ejus virtus celebra-
l.12-ta est, tantis beneficiis Dei ingrata non extitit sed cum aliis bonis operibus et elemosinis, quas deinceps
l.13 uberius exercuit, hoc modo se et omnem progeniem suam, cum esset ingenua, predictis sanctis martyribus
l.14 se dedidit et devovit ut et ipsa et omnes de progenie sua censum capitis sui unusquisque
l.15 quattuor denarios singulis annis in aecclesia principali, ubi salus ei collata est, persolverent.
l.16 Hȩc autem deditio et devotio illius ancillȩ Dei, ut inviolata permaneret, sub excommunicationis sen-
l.17-tentia firmatum est. Post alia igitur hujus rei monimenta nobis a prioribus tradita, hoc monimentum di-
l.18-vinȩ virtutis et subsecutȩ devotionis fecimus, ego videlicet Lisiardus Suessionensis episcopus et totus
l.19 aecclesiȩ nostrȩ clericorum conventus, quod cirografi jure constituimus, et illius familiȩ et capitis census
l.20 quasdam personas annotavimus, genealogiam earum aperientes, et ne a predicta sanctorum martyrum aecclesia
l.21 umquam alienentur perpetuo anathemate interdicimus. Actum incarnati Domini anno MCXV.
l.22 Manna genuit Deodatam, Deodata Ascelinam, Ascelina Rainsendem, Rollendem et Fredelinam.
l.23 De Rainsendi autem egressa est Rissendis et Roheiz; de Fredelina Erenburgis et Gila. Rissendis
l.24 ergo Escelina, filii ejus Ermengardis, Berta, Henricus; soror Rissendis Rothais, hujus filii
l.25 Fridericus, Ermengardis, Segoldus; Gila Erenburgis sorores, filia Erenburgis Emengardis, Wigerus et
l.26 Tetfridus, fratrem earum. IN NOMINE DOMINI JHESUS CHRISTI, AMEN.

1