Paris, BNF, coll. Baluze t. 380 n° 11

<< < / > >>

Numéro2457

Fiabilité de l'actenon suspecté

Genrebulle

Date02/12/1114(fiabilité :texte)

LieuLatran(lat :Laterani)

DiocèseNarbonne

RégionLanguedoc-Roussillon

Supportparchemin

Chirographienon

Sceau bulle

Etat de la traditionoriginal

Hauteur à gauche580   mm

Hauteur à droite565   mm

Largeur en bas405   mm

AuteurPape Pascal II

BénéficiaireAbbaye  de  SAINT-PIERRE-LES-VALLIERES

Regeste

Pascal II, pape, confirme les biens et les privilèges de l'abbaye Saint-Pierre-les-Vallières.

Fac-similé

Texte

l.1 PASCHALIS, EPISCOPUS, SERVUS SERVORUM DEI, DILECTO FILIO JOHANNI, PRIORI AeCCLESIAe SANCTI PETRI DE VALERIIS, EJUSQUE SUCCESSORIBUS CANONICE SUBSTITUENDIS IN PERPETUUM.
l.2 Apostolicȩ sedis auctoritate debitoque compellimur, pro universarum aecclesiarum statu satagere, et earum maxime quȩ sedi eidem tanquam jure proprio subjectȩ sunt, quieti auxiliante Domino providere. Eapropter fili karissime
l.3 Johannes petitionibus tuis non immerito duximus annuendum, ut aecclesiam Sancti Petri de Valeriis, cui per nostram institutionem Deo auctore presides, apostolicȩ sedis privilegio muniremus. Is siquidem locus, licet incultus ac
l.4 solitarius, cum ex traditione veteri beati Petri nomine haberetur insignis, a possessoribus loci dominis videlicet Rainardo Amati, et filiis ejus Bernardo et Hermengaudo, per manus Framaldi apostolicȩ aecclesiȩ presbyteri
l.5 in jus ac possessionem sedis apostolicȩ traditus est, ac deinceps multorum fidelium collationibus ampliatus. Ipsum itaque locum ab omnium mortalium potestate, invasione, oppressione ac gravamine liberum semper
l.6 manere decernimus, sicut in presenti VIIIa indictione suis finibus ambitur, scilicet ab ipso colle super Guadam, inde super montem Rotundum et super initium vallis Leporarie, inde ad alodium de Bochet
l.7 et usque ad ipsum Portellum, inde ad Pertusatas et ad Guaitam et super Embriciatas et super campum Ardonis et super Malam Celatam, usque ad mare. Quicquid itaque infra hos fines [continetur] cultum
l.8 sive incultum, silvȩ, pascua, piscariȩ, stagna, salinȩ, cum decimis et primitiis seu aliis pertinentiis suis, totum integrum ac illibatum in usus prefatȩ aecclesiȩ Beati Petri ac servorum Dei ibidem degentium
l.9 conservetur. Quicquid preterea in presenti VIIIa indictione eadem aecclesia legitime possidet, vel in futurum largiente Deo concessione pontificum, liberalitate principum vel oblatione fidelium juste
l.10 atque canonice poterit adispici, firma vobis vestrisque successoribus et illibata permaneant. Laicos sane seu clericos seculariter viventes, ad conversionem suscipere nullius episcopi vel prepositi contradictio
l.11 vos inhibeat. Sepulturam vero ejusdem loci omnino liberam esse decernimus, ut eorum qui illic sepeliri deliberaverint, devotioni et extremȩ voluntati nisi forte excommunicati sint, nullus obsistat.
l.12 Ad hȩc adicimus ut nulli episcoporum facultas sit, locum ipsum interdictioni vel excommunicationi subicere, vel aliquos ab ejus officiis et oblationibus prohibere, ut fratres idem Romanȩ libertatis
l.13 gratia potientes, omnipotentis Dei servitiis licentius vacare prevaleant Chrisma, oleum sanctum, consecrationes altarium, ordinationes clericorum qui ad sacros sunt ordines promovendi, ab episcopo in cujus diocesi
l.14 estis accipietis, siquidem gratiam atque communionem apostolicȩ sedis habuerit, et si ea gratis ac sine pravitate voluerit exhibere. Alioquin liceat vobis catholicum quem malueritis adire antistitem,
l.15 et ab eo consecrationum sacramenta suscipere; qui apostolicȩ sedis fultus auctoritate quȩ postulatur indulgeat. Decernimus ergo ut nulli omnino hominum liceat eandem aecclesiam temere
l.16 perturbare aut ejus possessiones auferre vel ablatas retinere, minuere vel temerariis vexationibus fatigare; sed omnia integra conserventur eorum pro quorum sustentatione et gubernatione concessa
l.17 sunt usibus omnimodis profutura. Ad indicium autem perceptȩ a Romana aecclesia libertatis, solidos quinque denariorum Lucensium quotannis Lateranensi palatio persolvetis. Si qua igitur in futurum
l.18 aecclesiastica quȩlibet secularisve persona hanc nostrȩ constitutionis paginam sciens, contra eam temere venire temptaverit, secundo tertiove commonita si non satisfactione congrua emendaverit, potestatis
l.19 honorisque sui dignitate careat, reamque se divino judicio existere de perpetrata iniquitate cognoscat, et a sacratissimo corpore ac sanguine Dei et domini redemptoris nostri Jhesu Christi aliena fiat atque
l.20 in extremo examine districtȩ ultioni subjaceat. Cunctis autem eidem loco justa servantibus sit pax domini nostri Jhesu Christi quatenus et hic fructum bonȩ actionis percipiant,
l.21 et apud districtum judicem premia aeternȩ pacis inveniant AMEN. AMEN. AMEN.
l.22 [rota] Ego Paschalis catholicȩ ecclesiȩ episcopus [subscripsi] [benevalete].
l.23 Datum Laterani, per manum Johannis sanctȩ Romanȩ ecclesiȩ diaconi cardinalis ac bibliothecarii, IIII NONAS decembris, indictione VIIIa, incarnationis dominicȩ anno MoCXIIII, pontificatus autem domni Paschalis secundi papȩ XVIo.
l.24 [sceau].

Notes

1

Bibliographie

JAFFE-LOEWENFELD, n° 6413.

MIGNE (abbé Jacques-Paul), Patrologia Latina 163 (Paschalis II, Gelasius II, Hugo de S. Maria, Guillelmus de Campellis, Lambertus Audomarensis), Paris 1854, col. 360-361.

Responsable

M.-J. Gasse

Comment citer cette notice

Acte n°2457 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°2457»[En ligne] http://www.cn-telma.fr/originaux/charte2457/. Date de mise à jour : 29/03/12.