Philippe I^er, roi de France, concède à l'abbaye Saint-Crépin-le-Grand de Soissons la libre présentation à la cure de deux autels situés à Pernant et à Colombes.

l.1 IN NOMINE SANCTȩ ET INDIVIDUAE TRINITATIS, PATRIS ET FILII ET SPIRITUS SANCTI, AMEN.
l.2 Ego PHILIPUS, gratia Dei Francorum rex. Notum fieri volo sanctae matris aecclesiae fidelibus tam presentibus
l.3 quam futuris quod Heddo, Suessionensis episcopus, divina gratia commotus, mei praesentiam adiit, deprecans et obnixe
l.4 postulans quatenus sanctorum martirum Crispini et Crispiniani aecclesiae et fratribus inibi degentibus, duo suarum villarum
l.5 altaria quȩ tenebant, cum apenditiis suis, unum de villa Parnant vulgo nominata, et alterum de villa Columnas
l.6 vocitata, ad personam, sicut ejusdem loci abbas Ansellus et omnis fratrum congregatio in antea humillime quesierant,
l.7 concedendo regia dignitate annuerem. Cujus salubri petitioni adquiescens ejusque supradicti episcopi erga me bonam
l.8 intelligens voluntatem et monachorum ipsorum plenam dilectionem, pro anima patris mei seu antecessorum meorum, cum consensu fidelium
l.9 meorum, videlicet domni Gervasii Remorum archipraesulis et fratris mei Rotberti, et Bauduini comitis, et episcopi Laudunensis Elinandi,
l.10 et Ratdulfi comitis ceterorumque quorum consilio meum regebatur palatium, studui eorum adimplere postulationem,
l.11 videlicet de duobus altaribus supranominatis ad personam datis, eo tenore ut, si persona vita praesenti decederit, abbati jamdictȩ
l.12 aecclesiae et fratribus in ea degentibus perpetualiter aliam personam sine pecunia episcopo ejusque successoribus repraesentare et renovare liceat.
l.13 Igitur ut regiȩ potestatis meȩ mandatum firmum et inconvulsum permaneat, hoc testimonium litterarum illis fieri praecepi
l.14 et signum caracteris mei imprimere jussi et sigilli mei impressione corroboravi.
l.15 [croix] [monogramme] [sceau].
l.16 [croix] Ana ruina [notes_tironiennes].
l.17 Si quis autem his, quod minime estimo, contradicere ausus fuerit, auri libras fisco C persolvat, immo ȩterni anathematis jugulo feriatur. Fiat.
l.18 Actum urbe Suessionis, anno dominicȩ incarnationis ILXIII et regis Philipi II.
l.19 Eustachius regis capellanus vice Bauduini cancellarii regis subscripsit.

1