Léon IX, pape, confirme à Hermann, archevêque de Cologne, la possession pour son église de l'abbaye de Brauweiler.

l.1 LEO, EPISCOPUS, SERVUS SERVORUM DEI, HERIMANNO, SANCTAE COLONIENSIS
l.2 aecclesiae venerabili archiepiscopo, ac per eum suis successoribus illuc canonice intrantibus in perpetuum. Convenit apostolico moderamini pia pollentibus
l.3 religione assensum pietatis prebere ut et nobis proficiat ad aeternam beatitudinem, et aecclesiis ad perpetuam defensionem. Quia nuncius tuus
l.4 Romam veniens, fili karissime, sollicitavit nos precum suarum nimietate ut per apostolicae defensionis paginam confirmaremus aecclesiae tuae abbatiam sitam
l.5 in loco qui dicitur Brunivilare sicut preceptum karissimi filii nostri imperatoris HEINRICI videtur continere. Inclinati igitur tuis justis precibus
l.6 confirmamus et corroboramus tuae aecclesiae predictum monasterium nostra apostolica auctoritate ut habeat et possideat cum omni sua integritate
l.7 et quid habet modo et quicquid adquirere poterit in futuro secundum diffinitionem qua diffinitum est ante presentiam filii nostri serenissimi imperatoris.
l.8 Statuentes apostolica censura ut nullus imperator, rex, archiepiscopus, episcopus, dux, marchio, comes, vicecomes vel quilibet cujusquam potestatis exactor
l.9 molestare vel infringere audeat, set sicut a te est constitutum permaneat. Si quis autem contra hanc defensatricem paginam venire temptaverit,
l.10 nostri anathematis jaculo perfossus ad vitam numquam surgere mereatur. Qui vero custodierit inmutilatam, nostram benedictionem habeat cumulatam
l.11 [rota] [benevalete].
l.12 Data nonas mai, per manus Frederici diaconi SANCTE Romanae aecclesiȩ bibliothecarii et cancellarii vice domni Herimanni archicancellarii
l.13 et Coloniensis archiepiscopi. Anno domni Leonis VIIII papae IIII, indictione V.

JAFFE-LOEWENFELD, n° 4272.

PFLUGK-HARTTUNG (J. von), Acta pontificum romanorum inedita. Urkunden der Päpste 97-1197. rééd, 3 vol., Graz, 1958, t. 1, p. 19-20, n° 24.