Béranger le Bouvier et Herbert de Bran donnent à l'abbaye de Marmoutier les églises de l'île d'Yeu avec leurs droits.

l.1 Religionis universȩ cui Christus est pars hereditatis ȩterne, volumus ad notitiam venire, duos
l.2 juxta carnalem Nativitatem fratres, studio quidem militari deditos, sed de suarum anima-
l.3-rum salute haud mediocriter sollicitos, BERENGERIUM videlicet cognomento Baoverium, et de Bran-
l.4-no Herbertum, ut peccatis eorum propiciari divina miseratio dignaretur, contulisse Beato MARTINO
l.5 Majoris Monasterii universas in Oia insula consistentes ecclesias, cum subscriptis rebus ad easdem
l.6 pertinentibus, sepultura scilicet tota et offerenda ex integro, cum cȩteris rebus minutis,
l.7 quas qui altari deserviunt habere videntur. Addiderunt etiam idem fratres huic dona-
l.8-tioni unam optimȩ terrȩ mansuram circa basilicam Sancti Salvatoris existentem, sed et de
l.9 annona totius insulȩ decimȩ totius medietatem. Cȩterarum vero decimarum quȩ vulgo
l.10 nuncupantur minutȩ, Herbertus dimidiam tantum portionem suam, Berengerius autem totam
l.11 ex integro suam eidem donationi conjungere curavit, tres itaque partes minutarum
l.12 totius insulȩ decimarum in sancti MARTINI cum cȩteris rebus supradictis sunt collatȩ
l.13 dominium. Dedit etiam idem Berengerius in usum monachorum in eadem insula
l.14 propter hanc obȩdientiam augendam conversaturorum, optimȩ et ab omni consuetu-
l.15-dine liberȩ dimidium arpennum vineȩ, que duobus fere milibus a Branno distans
l.16 oppido ducit ad Talamontem. Ut autem hujus donationis tenor firmiorem in perpetu-
l.17-um haberet auctoritatem, uterque supradictorum fratrum cartulam hanc propriis manibus
l.18 firmantes, non solum eam dominos suos, Gualterium dico atque Gauscelinum de quibus sȩpe-
l.19-dictam insulam tenebant, astipulari fecerunt, verum etiam Guillelmo de Talamonte,
l.20 cui etiam ut hanc donationem annuendo firmaret, unum anulum dedimus aureum, quia
l.21 ex ejus beneficio insulam illam idem Gualterius atque Gauscelinus tenere videbantur, corrobo-
l.22-randam et filiis ejus Guillelmo scilicet atque Pipino sed et Herberto tradiderunt, necnon et
l.23 Rannulfo de Riaco et filiis ejus Rannulfo videlicet Petro atque Guillelmo, deinde opti-
l.24-matibus regionis illius sed et quibusdam fidelibus suis quorum ferme omnium nomina conti-
l.25-nentur inferius, testificandam exhibuerunt. Signum Gaufredi vicecomitis. Signum Admauris uxoris ejus.
l.26 Signum Haimerici filii vicecomitis. Signum Savarici fratris ejus. Signum Gaufredi fratris ejus. Signum Radulfi fratris eorum. Signum Guillelmi de Talamonte. Signum Guillelmi de Cursone.
l.27 Signum Pipini filii Guillelmi de Talamonte. Signum Herberti bastardi. Signum Gualterii Capitonis. Signum Gauscelini. Signum Hildegardis uxoris Gualterii. Signum Hersendis uxoris Gauscelini.
l.28 Signum Berengerii Baoverii. Signum Herberti de Branno. Signum Idoneȩ uxoris ejus. Signum Tedmari filii Herberti de Branno. Signum Guillelmi fratris ejus.