Confirmation par Robert Courte-Heuse, duc de Normandie, du don du monastère de Saint-Vigor-le-Grand fait à l'abbaye de Saint-Bénigne de Dijon par son oncle paternel, Eudes de Conteville, évêque de Bayeux.

l.1 In nomine sanctȩ et individuȩ Trinitatis. Ego ROTBERTUS dux Normannorum. Etsi cum majora a Deo acceperim in majoribus ill[a] deberem ministrare, in hoc
l.2 tamen quantulumcumque sit animȩ meȩ et parentum meorum volens saluti consulere, donum quod patruus Odo Baiocensis episcopus contulit Deo et SANCTO BENIGNO
l.3 Divionensi, abbati Jerentoni et fratribus Divionensibus et successoribus eorum, monasterium videlicet Sancti VIGORIS de monte Crismatum cum appendiciis suis,
l.4 nostri assensus manum dans, quanta possum nostrȩ concessionis auctoritate corroboro, dans et confirmans monasterium ipsum ȩcclesiȩ Divionensi in perpetuum. Et ut
l.5 hec concessio firma et inconvulsa permaneat, do prefato monasterio sancti VIGORIS quam possum libertatem, videlicet omnes consuetudines per totam
l.6 terram meam, quȩ ad me pertinent de dominicis meis rebus tam in passagio et theloneo quam in ceteris exitibus, et de meo proprio in cotidiano usu fratrum Divio-
l.7-nensium ibidem Deo servientium onera quattuor asinorum singulis diebus, de viridi ligno in nemore meo Verneio. Hoc autem privilegium trado Divionensi
l.8 ȩcclesiȩ jure sempiterno ut nullus audeat hanc nostrȩ concessionis cartam infringere, sed semper ȩcclesia Divionensis pro suȩ religionis merito venerabilis nobis
l.9 et heredibus nostris locum ipsum sancti Vigoris cum appendiciis quiete possideat, secure habeat, absque inquietudine sine calumpnia, salva reverentia et
l.10 debita obȩdientia sanctȩ Mariȩ matris Baiocensis ȩcclesiȩ. Quisquis autem de terra mea aliquid de suo monasterio prefato tradiderit, id sibi ratum fore
l.11 concedo, ne occasione juris mei ullomodo possit revocari. Et qui se et terram suam Sancto Benigno et Sancto Vigori tradiderit, ab omni curiȩ meȩ servitio liber
l.12 erit nec tenebitur obnoxius servitiis nostris, sed in dominicatura abbatis et fratrum Divionensium erit solutus et liber in perpetuum. Quicumque vero
l.13 hoc nostrȩ mansuetudinis donum infringere et hanc cartam violare presumpserit, fisco publico mille auri libras coactus exsolvat, et quod petit evindi-
l.14-care non valeat, sed insuper, nisi resipuerit, iram Dei omnipotentis incurat. [colonne1] Signum Roberti ducis Normannorum. Signum Willelmi de Archis monachi [croix]. Signum Engelranni filii Elberti. Signum Willelmi de Bretulio. Signum Willelmi de Similiaco. Signum . [colonne2] [croix] Ego Odo Baiocensis episcopus cartam hanc laudo et manu propria signum faciens subscribo. Signum Willelmi [croix] de Columberiis. [colonne3] S. Willelmi decani. Rodulfi archidiaconi S. S. Helgodi archidiaconi. S. Roberti de Tribus Montibus
l.15 Anno ab incarnatione Domini MoXCoVIo, indictione IIIIa, concurrente VIIo, epacta XXmaIIIa, XoVIIIIo anno principatus Rotberti Guillelmi regis Anglorum filii,
l.16 ducis Normanniȩ, hec carta firmata est et sigillo suo signata. Actum publice Baiocas mense maio, die XXIIII, VIIII kl. junii, luna XXaVIIa,
l.17 cyclo decennovennali XoIIIIo
l.18 EGO HUGO DIVIONENSIS ȩCCLESIȩ MONACHUS JUSSU EJUSDEM ROBERTI DUCIS NORMANNIȩ SCRIPSI ET SUBSCRIPSI VICE CANCELLARII RODULFI.
l.19 [sceau].