Pour apaiser une querelle opposant l'abbaye Saint-Étienne à l'abbaye de la Sainte-Trinité de Caen, Guillaume, roi d'Angleterre et duc de Normandie, donne à cette dernière une part du bourg Saint-Étienne.

l.1 ANNO ab incarnatione Domini millesimo octogesimo tercio, mense julio, die festivitatis sancti Arnulfi episcopi et martyris,
l.2 adquietavi ego Willelmus Anglorum rex, Normannorum et Cenomannorum princeps, calumniam quam sanctimoniales coenobii
l.3 Sanctȩ Trinitatis faciebant in ȩcclesia et habitatione monachorum Sancti STEPHANI et in parochia burgi eorundem monachorum,
l.4 dans prȩdictis sanctimonialibus tam pro salute animȩ meȩ uxoris, filiorum et parentum meorum quam pro adquietatione
l.5 jamdictȩ calumniȩ, partem de burgo meo in confinio territorii Calucii et Cadomi, et licentiam augendi ipsum burgum
l.6 intra divisas quas eis determinate feci, prȩmonstrari et in carta earundem sanctimonialium determinari, retentis
l.7 in meo dominio domibus sitis super ripam Olnȩ, et tota aqua juxta ipsum burgum, tali quidem conditione hoc concedens
l.8 ut in prȩfato burgo nullos meos burgenses vel in Cadomo in domibus per mercedem manentes recipiant.
l.9 Hac autem mea donatione [talis] concordia facta est inter monachos et sanctimoniales de prȩdicta calumnia parochiȩ
l.10 eorundem monachorum, ut monachis remanerent omnino quieti parochiani omnes qui in prȩdicto burgo novas
l.11 domos, ex eo die quo monasterium inceptum fuit, fecerant, et illi qui deinceps facerent in toto vico illo per quem itur
l.12 Baiocas, et per quem itur ad Montem Sancti Michaelis, et quinque de antiquis parochianis. Willelmus videlicet filius
l.13 Tedbaldi et Rainaldus filius Goldȩ et Goisfridus pratarius et Mathildis et Burningus, necnon et sepeliciones
l.14 omnium parochianorum sanctimonialium qui in vita sua sepeliri postularent in cimiterio monachorum.
l.15 Remansit etiam monachis quietum illud de cimiterio Sancti Stephani veteris quod est intra jamdictum burgum,
l.16 fossatum meum, et ȩcclesia sancti Nicholai quȩ ab eisdem monachis constructa est ad opus parochiȩ suȩ. Testes: Gisle-
l.17-bertus episcopus Ebroicensis, Michahel episcopus Abrincensis, Gislebertus episcopus Luxoviensis, Balduinus abbas Sancti Eadmundi,
l.18 Robertus comes de Moritolio, Robertus de Belesme, Osbernus Gifardus, Hubertus de Portu et alii plures.

MUSSET (Lucien), Les actes de Guillaume le Conquérant et de la reine Mathilde pour les abbayes caennaises, Caen, 1967 (Mémoires de la Société des Antiquaires de Normandie, 37), p. 113-118, n° 17.

BATES (David), Regesta regum Anglo-Normannorum : the Acta of William I : 1066-1087, Oxford : Clarendon press, 1998, p. 297-301, n° 64, version 1.