Hervé, prévôt, fils de Jhoiarnus, donne à saint Martin et aux moines de Lamballe la terre située devant la porte de Lamballe dite Guarda.

l.1 Herveus prepositus Ihoiarni filius dedit sancto Martino et ejus monachis pro anima sua quandam
l.2 terram ante portam Lambaulii que vulgali sermone vocatur Guarda quia in medio ejusdem
l.3 terrȩ quidam parvus mons insurgit. Hanc quidem terram dedit predictus Herveus sancto Martino
l.4 in manibus monacorum Rivallonii et Aufredi, qui tunc apud Lambaulum in monasterio Sancti Mar-
l.5-tini manebant; idem vero Herveus sepultus jacet in cimiterio Sancti Martini. Hujus doni
l.6 sunt testes predicti monachi. De hominibus Sancti Martini Urferius, Godefredus, Evanus
l.7 Commautum, Riocus sacerdos. Ex altera parte ipse Herveus, et fratres ejus marquerius, et
l.8 Eudo, Judicalis sacerdos de Tregummal. Hoc donum fuit factum apud Sanctum Evidocum.
l.9 Eandem quidem terram que Guarda vocatur, paulo post concessit Sancto Martino sine calumpnia
l.10 Eudo miles predicti Hervei filius, apud castrum quod vocatur Monsconsularis Moncontorium in obitu
l.11 suo, et ipse sepultus fuit in cimiterio Sancti Martini juxta Lambaulum. Testes sunt:
l.12 Rivallonius monacus, de hominibus Sancti Martini Godefredus, Evanus, Herveus Gorioci
l.13 filius, Gosfredus Hervelini filius, Marquerius avunculus ejusdem Eudonis.

1