Saint-Brieuc, AD Côtes-d'Armor, H 423

<< < / > >>

Numéro2324

Fiabilité de l'actenon suspecté

Genrecharte

Date1066(fiabilité :édition)

Lieunon identifié

DiocèseTours

RégionCentre

Supportparchemin

Chirographienon

Sceau non scellé

Etat de la traditionoriginal

Hauteur à gauche479   mm

Hauteur à droite460   mm

Largeur en haut235   mm

Largeur en bas238   mm

AuteurChevalier Haimo

BénéficiaireAbbaye  de  MARMOUTIER

Fac-similé

Texte

l.1 Quoniam fidelis omnis aliam post istam non dubitat esse vitam, et post mortem vel tormenta malos vel bonos praemia nacturos,
l.2 nemo se penitus dedere debet temporalibus, sed quae possit in futuro invenire in praesenti seculo praevidere, et ea promittere vivus,
l.3 quae valeat recipere defunctus. Quibus igitur terrenas opes largitus est deus, largiantur et ipsi ex eis pauperibus, ut et peccata quae
l.4 [propter] eas congerendas admiserunt redimant, et insuper mercedem sibi perhennem thesaurizent. Proinde ego Haimo patria
l.5 Brito, filius Gingomari cognomento Blocci, homo et militiae deditus, et multis peccatis obvolutus, fratribus qui in Majori Mo-
l.6-nasterio Deo et sancto deserviunt Martino, qui seculi renuntiantes divitiis, voluntatis propriae nutu gloriam adepti sunt
l.7 paupertatis, do quandam mei juris aecclesiam in loco qui dicitur Solus Gallus sitam, cum omnibus quae pertinent ad eam, videlicet
l.8 decima, offerenda, sepultura, et terram ad unam carrucam, scilicet mediaturam Ulmetii, et pratum quod dicitur Trifolium.
l.9 Addo etiam aecclesiam de monasterio Sandae et campum Blocci, et dimidium molendinum, super fluvium qui dicitur Sanda situm,
l.10 et sex acras de marisco, et prata ad IIIIor carra foeni. Concedo preterea medietatem aecclesiae de Sala, sicut eam teneo.
l.11 Haec omnia pro anima mea, parentumque meorum, et maxime pro anima fratris mei Hervei, quem occisum sepelierunt
l.12 monachi Sancti Martini supradicto tribuo cȩnobio, ut nostri memoriam et prȩsentes et futuri et in praesenti et in
l.13 futuro dignentur habere seculo. Sunt autem omnia quae dono libera ab omni calumnia, ab omnibus extraneorum
l.14 consuetudinibus quietissima, et ut pleniorem obtineat haec mea donatio firmitatem, dominus meus Maino de cujus fevo omnia
l.15 quae supradicta sunt teneo, auctorizavit libenti animo, necnon et comes Brittannorum Conanus, et avunculus
l.16 ejus eudo, mea quoque uxor Rotrudis, et filius noster Richardus, et fratres mei Gurantonus, Hinganus, Poulinus, Maino,
l.17 Dodomanus, Gingomarus, Hinganus quoque frater meus dedit praedicto sancto terram ad IIIIor boves, juxta aecclesiam de Sologallo.
l.18 Hanc vero cartam quam de his rebus scribi feci, dominis meis supradictis, firmandam obtuli, qui etiam manuum sua-
l.19-rum munierunt karacteribus multis coram testibus. [colonne1] S. comitis Conani, S. comitis Heudonis. S. Mainonis de Filgeriis. S. Adeladis uxoris Mainonis. S. Juthalis filii Mainonis. S. Hugonis filiastri Mainonis. S. Haimonis. S. Rotrudis uxoris eius. S. Richardi filii eorum. S. Gurantoni fratris Haimonis. [colonne2] S. Hingani. S. Pouloni. S. Mainonis. S. Dudomani. S. Gingomari. S. Alvredi fratris Mainonis. S. Karadochi. S. Normanni Potini. S. Hervei Foristarii. S. Ansgerii vicarii. [colonne3] S. Guillelmi fratris Ansgerii. S. Ivonis bastardi. S. Ragani vicarii. S. Thebaldi filii Bernerii. S. Giraldi filii Frothlandi. S. Burchardi bastardi. S. Haimonis Crassi. S. Angerii de Basilgis. S. Salomonis.

Notes

1

Responsable

M. Courtois

Comment citer cette notice

Acte n°2324 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°2324»[En ligne] http://www.cn-telma.fr/originaux/charte2324/. Date de mise à jour : 29/03/12.