Eusèbe, évêque d'Angers, donne à l'abbaye de Vendôme l'église de Saint-Clément de Craon.

l.1 In nomine sanctȩ et individuȩ Trinitatis ego Eusebius Andegavensis ecclesiȩ humilis
l.2 episcopus, per hujus conscriptionis notitiam, et presentis ȩtatis fidelibus notum fieri volui, et
l.3 apud futuras post nos generationes a calumpniis omnibus tutum, quod ȩcclesiam Sancti Cle-
l.4-mentis apud castrum Credonis sitam cum decimis et rebus ad eam pertinentibus concessione
l.5 clericorum nostrorum et precibus Goffredi honorabilis comitis Andegavensis monasterio Sanctȩ
l.6 Trinitatis quod Vindocini a novo ipse fundaverat et monachis ibidem sub domno
l.7 Odrico abbate degentibus ac successoribus eorum donavimus, in augmentum videlicet vic-
l.8-tualium et necessarii sumptus ipsorum. Quam quidem ȩcclesiam cum omni honore Credonensi Suhar-
l.9-dus Vetulus de antiquo et legali jure Andegavensis ȩcclesiȩ in aliam potestatem olim transtu-
l.10-lerat, et abbati Pontilevis deinde monachis Sancti Albini commendaverat, eo videlicet
l.11 pacto ut illuc partes rerum quas in aliis locis habebant revocantes, abbatiam ibi
l.12 construerent, sine tamen assensu nostro et concessione principis patriȩ cui Suhardus
l.13 honorem illum violenter auferebat. Sed cum predicti monachi ibi contra nostram excom-
l.14-municationem, et Andegavensis comitis instantem reclamationem manere non potu-
l.15-issent, ad propria monasteria regressi sunt. Postea vero justo Dei judicio predictus tirannus
l.16 impiam vitam digna morte finivit, et sic auxiliante Domino honorem Credonensem quem
l.17 diu injuste perdideramus, recuperavimus, et Beati Clementis ȩcclesiam Vindocinensibus mona-
l.18-chis, ut supradictum est, donavimus. Actum Andegavis in capitulo Beati Mauricii, VII
l.19 kalendas aprilis, anno ab incarnatione Domini nostri Jhesu Christi MLIII. Hoc donum de manu
l.20 nostra Odricus abbas suscepit, cum duobus monachis suis, Vitale videlicet et
l.21 Guidone. Hoc viderunt et concesserunt clerici Beati Mauricii qui aderant, Goslenus
l.22 decanus, Berengerius archidiaconus, Rainaldus archidiaconus, Joscelinus archidiaconus, Girardus cantor,
l.23 Fulcoius, Martinus, Radulfus, Odo, Bernardus, Ansierdus, Girardus, Durandus, Albertus, Goslenus,
l.24 Goffredus.