Alburge, épouse d'Archambaud, donne tous ses biens à l'abbaye de la Trinité de Vendôme. Archembaud donne un demi-arpent de vigne à Villedon sur la terre de Saint-Georges.

l.1 Notum sit omnibus hujus monasterii fratribus tam presentibus quam futuris quod Alburgis uxor Archembaldi tercio die postquam ipse monasterium istud monasticum suscepturus
l.2 habitum intravit, illa beneficium et orationes fratrum postulavit humiliter et accepit, condonavitque loco huic omnes res suas tam
l.3 mobiles quam immobiles post obitum suum. Dimidium vero arpennum vineae donaverat Tebbaldo fabro ad faciendum inter se et illam
l.4 tali pacto, ut si eam bene et fideliter in procurandis rebus suis juvaret, haberet eandem vineam post mortem mulieris quamdiu viveret, sic tamen
l.5 [ut] fratribus hujus loci daret X solidos denariorum pro eadem vinea. Quod si idem Tedbaldus eandem mulierem prout posset sicut promiserat non adjuvaret, tunc
l.6 [eadem] vinea statim post mortem ejusdem feminȩ in proprietatem monachorum hujus loci quieta remaneret. Testes hujus rei: Romeius faber, Tedbal-
l.7-dus, Girardus hospiciarius. Ipse autem Archembaldus quando monachus devenit in eadem ebdomada dedit nobis dimidium arpennum vineȩ apud
l.8 Villamdomni in terra Sancti Georgii.
l.9 Actum Vindocini in auditorio quod est de foris ad ostium claustri, anno ab incarnacione Domini MLXXVIIII, indictione II, III kalendas junii, feria V.