Henri V, roi, confirme aux chanoines de Saint-Léon de Toul le bénéfice qu'ils possédent à Fontenoy, donné à eux par le comte Albert et convoité par Charles, chevalier.

l.1 [chrisme] IN NOMINE SCANCTAE ET INDIVIDUȩ TRINITATIS, HEINRICUS, DIVINA FAVENTE CLEMENTIA AUGUSTUS ROMANORUM REX.
l.2 Nostrum est omnium querimonias audire misericorditer et maxime aecclesiarum Dei quibus fit injuria. Quapropter omnibus Christi nostrisque fidelibus tam futuris quam presentibus
l.3 notum fieri volumus qualiter nos, causa Dei et interventu BRUNONIS, Treverensis archiepiscopi, Otthonis, Bavenbergensis episcopi, EBREHARDI, Eistetensis episcopi, BURCHARDI, Monasterien-
l.4-sis episcopi, ALBERTI, nostri cancellarii, GERARDI, comitis, GODEFRIDI, comitis, FULMARI, comitis, aliorumque multorum nostrorum fidelium, querimonias fratrum Tullensis aecclesiȩ Sancti LEONIS audivimus.
l.5 Fiebat enim eis injuria a quodam Karolo de beneficio quod comes Albertus in manu Bibonis Tullensis episcopi refutavit, eo quidem tenore quod ad usus fratrum aecclesiȩ Beati LEONIS
l.6 traderetur. Facta autem refutatione, ipso ALBERTO comite rogante et presente, reposita est super altare sancti LEONIS ab episcopo et ab eodem tradita per manus RAINARDI comitis
l.7 ejusdem loci fratribus. Et ne aliqua posset ratione fratribus fieri molestia, precepit ipse comes ALBERTUS supramemorato Karolo ne amplius se de illo beneficio
l.8 quod ab eo tenuerat in Fontiniaco intromitteret nisi fratrum licentia. Illo vero nolente dimittere nec a fratribus querere, querimonia fratrum ad nos pervenit
l.9 ut debuit. Nos vero misericordia moti, nostros inde principes consuluimus et eorum consilio rem ita tractavimus quod Hugo, filius ALBERTI comitis jam defuncti, venit
l.10 et in nostri presentia refutavit fratribus idem beneficium et laudavit quod pater ejus fȩcerat. Ideo justa ratione et judicio et consilio nostrorum principum interdiximus KARO-
l.11-LO ne ulterius se intromitteret et ita confirmavimus fratribus impressione nostri sigilli ut omnes habeantur sub nostro banno qui eos inde molestare presumpserunt.
l.12 SIGNUM DOMNI HEINRICI V REGIS INVICTISSIMI [monogramme].
l.13 ALBERTUS CANCELLARIUS VICE ROTARDI MAGUNTINI ARCHIEPISCOPI RECOGNOVIT. [sceau].
l.14 Data XII kalendas julii, indictione XIIII, anno dominice incarnationis millesimo CVII, regnante Heinrico V, rege Romanorum anno III, ordinationis ejus VIIII. Actum est Argentine. Feliciter in Christo. Amen.

1