Agnès de Maille donne aux moines de Marmoutier ce qu'elle avait à Rhodon.

l.1 Notum sit omnibus presentibus et posteris nostris quod Agnes de Malliaco, mor-
l.2-tuo filio suo Gausberto, donaverit beato MARTINO et monachis Majo-
l.3-ris Monasterii pro ejus anima quicquid in Rosdonio habebat, boscum et
l.4 planum, excepto fevo militum. Hoc fuit factum in capitulo Majoris Monasterii
l.5 tempore abbatis Bartholomei, concedentibus duobus filiis suis Harduino
l.5 et Hugone et Agnete filia sua. Hoc viderunt et audierunt omnes monachi qui
l.7 erant in capitulo, et de famulis nostris Odo cellararius, Sancelinus filius Otberti,
l.8 Giraldus Moceolus, Landricus cocus, Arnulfus Gazellus, Otbertus major,
l.9 Guido major, Bernardus major, Lealdus Godinus, Harduinus filius Galcherii,
l.10 Johannes famulus de hospitio, Ebrardus famulus, et plures alii. Postea accepit
l.11 ipsa Agnes maritum Mainerium de Gaseranno et habitavit cum eo apud Gaserannum.
l.12 Post multos vero dies placuit Mainerio ire Romam, quod et fecit, venitque
l.13 Agnes uxor ejus cum illo usque ad monasterium, rogavitque Agnes monachos
l.14 ut quatuor libras denariorum Pictavensium donarent viro suo quos Romam por-
l.15-taret, et ipsa daret Sancto MARTINO et monachis ejus fevum militum de Rosdonio quod
l.16 in manu sua retinuerat, quando donavit eis omne dominium suum quod ibi habebat
l.17 pro anima Gausberti filii sui sicut suprascriptum est. Quo audito, abbas Bartholo-
l.18-meus jussit dari Mainerio quatuor libras de Pictavinis denariis, et Agnes
l.19 donavit beato MARTINO et monachis Majoris Monasterii fevum militum
l.20 de Rosdonio jure perpetuo possidendum. Testes hujus rei sunt Odo cellararius,
l.21 Sancelinus filius Otberti, Landricus cocus, Giraldus Moceolus, Johannes de Hospicio,
l.22 Durandus cocus, Harduinus filius Galcherii. Ex parte Mainerii, fuerunt duo milites
l.23 ejus qui cum illo pergebant Romam, et Radulfus serviens ejus de Gaseranno.

1