Pibon, évêque de Toul, donne au prieuré de Flavigny les autels de Flavigny, Crantenoy et Crevéchamps, moyennant un cens annuel de douze deniers de cire payable à Saint-Étienne de Toul.

l.1 In nomine sanctȩ et individuȩ Trinitatis, Patris et Filii et Spiritus Sancti. Quoniam caritas operit multitudinem peccatorum, caritatis
l.2 opera debent exerceri, maxime ab his quorum patrocinio ecclesiasticȩ res debent gubernari. Hujus ergo caritatis
l.3 executor fieri desiderans, ego Pibo, gratia Dei Leucorum episcopus, congaudens etiam bonȩ conversationi et plenissimȩ caritati
l.4 monachorum Flaviniensis cellȩ, decrevi ex nostris rebus eorum sustentationi caritatis amore aliquid impendere. Dedi
l.5 ergo in manu domini abbatis Rodulfi cenobii Sancti Vitoni, cui eadem cella subjacet, tria altaria, unum in eadem villa
l.6 Flaviniaco, alterum apud Crantenau, tercium apud Crepatum Campum, perpetualiter in usu fratrum habenda, laude et commu-
l.7 -ni consilio fidelium nostrorum tam laicorum quam clericorum. Et ne cui videatur aliquid juris sui altare sancti Stephani
l.8 hoc caritatis dono amisisse, placuit prefato abbati singulis annis in inventione ipsius prothomartiris duodecim
l.9 denariorum cereum jure perpetuo instituere persolvendum, ut eo fiducialiter patrocinium matris imploret filia.
l.10 Si quis vel hoc donum infringere vel aliam facere injusticiam presumpserit, quo familiarius et fidelius sibi adhe-
l.11-rere et annuatim deservire decreverit. Ut autem hoc donum stabile et inconvulsum permaneat, hanc cartam
l.12 in plenaria synodo placuit recitari, nostroque sigillo et signis fidelium nostrorum corroborari. Signum domni Pibonis
l.13 Tullensis ecclesiȩ pontificis. Signum Hugonis primicerii. Signum Lutulfi decani. Signum Alberonis archidiaconi.
l.14 Signum Riquini archidiaconi.

1

CHOUX (abbé Jacques), L'épiscopat de Pibon : 1069-1107.- Nancy : Société d'Archéologie Lorraine, 1952, p. 228-229, n° 76.

Chartes originales antérieures à 1121 conservées dans le département de la Meurthe-et-Moselle, Nancy, 1977, (Cahiers du CRAL ; 28), p. 77-78.