Gausbert de Langey, gendre de Christian de Civitate, renonce à la querelle qu'il avait élevée contre l'abbaye de Marmoutier à propos des biens vendus par son beau-père.

l.1 Post hȩc annis multis elapsis, quidam Gausbertus de Lengiacis qui supradicti Christiani filiam nomine Marcam
l.2 habebat uxorem, cujus scilicet Marcȩ mater filia fuerat cujusdam Hugonis cognomento Francisci, calumniam
l.3 nobis de suprascriptis rebus emovit, dicens eas juris fuisse predicti Hugonis. Qui tamen calumniȩ suȩ hunc
l.4 tandem imposuit finem. In capitulum nostrum unacum prefata conjuge sua et duobus filiis Hugone atque Petro
l.5 puerulis Urso quoque fratre suo veniens, participationem totius nostri deinceps benefacti cum eisdem accepit
l.6 et ita res supradictas vel quicquid de terra sive de rebus habebamus, quȩ juris fuerant Hugonis illius, integre
l.7 nobis omnes auctorizaverunt, et insuper etiam donaverunt, donumque inde super altare ecclesiȩ nostrȩ posuerunt.
l.8 Quod actum est anno ab incarnatione Domini MoLXXX, presidente nobis domno abbate Bartholomeo,
l.9 testibus istis: Salomone de Lavarzino, Adelardo Barbotino nepote Gausberti, Gualterio de Villariis,
l.10 Fulcone Nigra Budella. De nostris: Ledaldo Godino, Petro coquo, Rotberto Francisco, Odone de Loco,
l.11 Gauberto Francisco, Arnulfo Gazello, Giraldo sartore, Arnulfo clerico, Durando nepote Adelardi,
l.12 Rainaldo Britone famulo de Capella.

1