Hugues, vidame de Chartres, et Agnès, son épouse, donnent aux moines de Marmoutier plusieurs localités.

l.1 Noverit nostra posteritas quod HUGO Carnotensis vicedominus eo tempore quo tenebat Montiniacum, et
l.2 Agnes uxor ejus, quam postea guerpivit, concesserunt beato MARTINO Majoris Monasterii et monachis ejus
l.3 Sarmasias Magnas et Sarmasias Parvas, et Murzellas, et Sternun, et Molons, et quicquid tunc temporis
l.4 tenebant monachi de Nivelono filio Guarini, et Villam Presbiteri. Pro hac concessione dederunt
l.5 monachi predicto Hugoni LX solidos Dunensis monetȩ, et uxori ejus Agneti XX solidos, pro eo quod de
l.6 patrimonio ejus omnia supradicta erant. Ipsa vero tunc nullum infantem habebat. Huic concessioni
l.7 ex parte eorum interfuerunt, Nivelonus filius Guarini, Johannes de Socoreht, Guiternus, Bovo de Lanerei,
l.8 Gislardus de Cantosmo, Franceius, Gosfredus major, Philippus, Fulchardus filius Sejardi, Guarinus
l.9 Alte Tonsus, Petrus de Sancto Florentino. Ex parte monachorum interfuerunt: Hainricus hospi-
l.10-talarius, et Josbertus Ludovicus, monachi, laici: Guillelmus de Ponz, Stephanus de Veteri Alumne,
l.11 Ingelricus major, Odo de Nantoli Villa, Bernardus de Carcahui, Tetbaldus Peletus, Ademerus
l.12 de Charmarz. Hȩc donatio et concessio facta est regnante Philippo rege Francorum, presiden-
l.13-te Carnoto Ivone episcopo, abbate Majoris Monasterii, domno Hilgodo.

1