Hugues Guernonatus, prévôt de Blois, renonce à ses prétentions sur les terres de Rosdone, Bergerolio, Petrapertusi et Villa Trochiȩ dépendant de Villeberfol.

l.1 Noverint omnes quod Hugo Guernonatus qui fuit prepositus Blesis et filii ejus calumniabantur
l.2 nobis terram de Rosdone, et de Bergerolio, et de Petrapertusi, et de Villa
l.3 Trochiȩ, pertinentes ad obedientiam Villae Belfodii. Anno autem ab incarnatione
l.4 Domini MXCVI, qui est annus dedicationis basilicȩ Majoris Monasterii ab Urbano papa factȩ, cum idem
l.5 Hugo et filius ejus senior Guarinus nomine vellent in Jerusalem cum exercitu Christianorum ire
l.6 contra paganos, dimisit Deo et beato Martino atque nobis ejus monachis omnem supradictam
l.7 calumniam pro anima sua et Prasȩ, uxoris suȩ. Duo quoque ex filiis ejus id est supradictus Gua-
l.8-rinus et Petrus dimiserunt similiter eandem calumniam pro anima Prasȩ matris suȩ, atque
l.9 pro suis animabus, et inde acceperunt ipsi tres de caritate beati Martini VI libras
l.10 Blesensis monetȩ a domno Odone tunc temporis Villȩ Belfodii priore. Qui et promiserunt
l.11 quod idem ipsum concedere facerent cȩteros fratres suos omnes. Unde etiam fuit fidejussor
l.12 prefatus Petrus qui in honorem patris sui remanebat et eum servaturus erat donec
l.13 vel ipse pater vel Guarinus frater ejus redirent ab Jerusalem, quod scilicet ab omni calum-
l.14-nia etiam fratrum suorum terram ipsam nobis adquietaret, et quicquid damni pro eadem calumnia nobis ab aliquo
l.15 deinceps inferretur, ipse totum nobis restauraret, et insuper ceteros fratres suos qui tunc ab-
l.16-sentes erant, ipsam calumniam faceret dimittere cum redirent. Cujus rei testes sunt:
l.17 Herveus prepositus Blesensis cognomento Belonius, Teodericus de Avaziaco et filius ejus senior,
l.18 Ingelbaldus cellararius de Blesi, Burdinus cocus comitis, Clamahocus famulus, Astho puer
l.19 filius supradicti Hugonis Guernonati de alia uxore, qui inde habuit duos solidos,
l.20 Gionius monachus Pontilevensis, qui testes ipsos scripsit.

1